خله يشوف الممحل الي سقيته .........

[نايف الحميدي]

مساء الخير
ارجو ان تنال على بعض رضاكم

ياكثر ماحبه وياكثر ماغليه=واكبر دليل ان غاب عني بكيته
ابكيه لامن غاب وشلون مابكيه=ابكيه لو الدمع مبطي نهيته
ماض الزمان الي صمدت لبلاويه=دموع عيني وقتها مستميته
واليوم دمع العين لرضاه ندعيه=خله يشوف الممحل الي سقيته
يمكن ليا شافه يراجع تجافيه=ويعودلي واعودله ماحييته
درب التجافي عسر لاعاد يطريه=ولاعاد يجفاني وانا ماجفيته
خله يجي مدام للعلم تنويه=يظبط قواعد حبي الي بنيته
حب قديمٍ ماتغٌير مباديه=عن خلق ربي في ضميري كنيته
لوكان قلبي منه ذبلت عراويه=اصبر ولو ان العنا ماهقيته
لاجله وردت الموت ماقلت له ليه=مندون مايامر بروحي فديته
لاقال يس اوكيه قلت انت اوكيه= قدامه انسى كل جرحٍ شكيته
يامر وينهاني وانا اقول لبيه=اعيوني اله الحاف والقلب بيته

التوقيع