أقرب شاعر الله يحييه ..........

[عبدالرزاق القشعمي]

سلامي سلام ٍ يجلي الهم والباس = على اللي لهم بالقلب حشمه وقيمه
أنا خاطري ياناس بالحيل محتاس = ظليمه وربي مايحب الظليمه

[خوي السعد]

ويامرحبا ترحيبة (ن) ترفع الراس = وياخذ قليل العرف منها قسيمه
ورى خاطرك منحاس لاباس لاباس = علاك الفرح نطلب من الله يديمه

[عبدالرزاق القشعمي]

يدوم البقا والعلم من بين الأقواس = بعد ماحضرنا والنوايا سليمه
ترى اللي يحاول بني بيت ٍ بلا ساس = نعدّه سقيم وعملته ذي جريمه

[مرزوق حمدان العتيبي]

..
.

الله الله
محاوره جميله من بدايتها ....
حياك الله يالقشعمي في محلك
والحمدلله على سلامتك ياخوي السعد ...
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[خوي السعد]

مادامك حضرت ومعك دقن الاجراس = تفضل ونفرش لك فراش الحشيمه
غشيم العرب من رحلته جاب الافلاس = وهو يطمع انه ياخذ اشداد ريمه

[خوي السعد]

الله يسلمك يابو محمد وهذا من طيبك لاعدمتك
لو غبنا تبقون ياعيال عمنا على البال .

[عبدالرزاق القشعمي]

ولاهنت وانته راعي الذوق واحساس = وزود ٍ على هالوصف تملك عزيمه
تحايل عليه الناس من كل الأجناس = وذاق العنا والهم بعد الهزيمه

[عبدالرزاق القشعمي]

أخوي مرزوق الله يبقيك ولايهينك

[بن عياد المرشدي]

صح لسانك يالقشعمي


وصح لسانك ياخوي السعد



لعب كايف ومعنى هادف

[خوي السعد]

ترى كل شي (ن) له مكانه ومقياس = ولا ينطح الفرسان غير الصتيمه
ويا مخبل اللي قاعد (ن) يطبخ الفاس = وهو يعرف ان منها الفوايد عديمه