ياخليل التميمي انت شاعر مضر0وانت شاعر تميم الداهيه والدرر

[عبدالرحمن الهيلوم]

اهداء من صميم القلب الى الشاعر خليل الشبرمي والى كل تميمي على وجه الارض




وعلى البركه

زلزلي ياتميم العز شاطي البحر
وارجفي وارعدي وابرقي في المقر

وخلي السيل هادر لو يطول الدهر
وأشلعي كل وادي والحجر والشجر

خلي الارض خضراء فايحه بالزهر
وكل رجلن بربعه والتباهي فخر

خلها في تميم وخلها في قطر
مالها الا أهلها هامةٍ في مضر

ياخليل التميمي انت شاعر مضر
وانت شاعر تميم الداهيه والدرر

[زيزوم المناعير]

مع احترامي له كشخص صاحب اخلاق رفيعه

ولكن كشاعر فانا ما اشوف انه مبدع الا في الشيلات

وانا اشوف ان اكثر شئ ساعده هو دعم شركة كيوتل +التميمية اللي تدهر بالسعيد

[عبدالرحمن الهيلوم]

يستاهل ابو اديب غالي ومن غالين

[السيف الصقيل]

يستاهل ابو اديب وكفو

ومبروك لقطر وتميم الفوز ببيرق محمد بن زايد للشعر

لاهنت يالهيلوم

[التـميمي المـضري]

بيض الله وجهك يا نسل الشيوخ ..
وافي يالحصان ..

ولا به جديد ذي عادات جدودك وربعك الهيلا الشيوخ المناعير ..

علمكم غانم ومجدكم قديم وحاضر واخلاقكم رفيعه من عرفت الدنيا ..

والله يبارك فيك وفي كل عتيبي والبيرق لنا جميع والحمد لله ..

يوم يوسف وحنا معه تصويت وفزعات وكتبنا فيه القصايد ويستاهل ..

واليوم الحمد لله وفق الله ولدنا ووفق تميم وهذا كله بفضل الله اولا واخيرا ..

سرني ماشفت في هذا الموضوع وانا شايف قبله وقبله واعلم ان عتيبه اول من يبارك لتميم وكيف لا ونحن ابناء مضر الحمراء والاهل والاقارب والانساب ..


والسلام عليكم

[عبدالرحمن الهيلوم]

مرحبا الف يالغالي
الي بين تميم وعتيبه اكبر من جرات الحروف
ويستاهلون تميم المجد ويستاهل (( ابو اديب ))

[ياحبي للهيلا]

يستاهل ابو اديب يستاهل ونص
راهنت علية من اول طله له مع المحيا
وهاهو يحمل البيرق الف مبروك له ولقبيلتة العزيزة

[صقّار]

بيض الله وجهك يالهيلوم


أنشهد إنك من يمثل عتيبه يالقرم ، ولاهي غريبة عليكم يالوفيين


ومثل ماقال إبن العـم التميمي البيرق لنا جميعـاً

[/عبد العزيز الجذع/]

ايه هو شاعر لكن فيه شعار اقوى منه العام خذاها ابن فطيس والسكيبي هو اللي يستحقها بالشعر والسنه هذي الشبرمي خذاها وابن محيا موجود

[سعيفان الهيلا]

من حصل شي يستاهله

انا والله من البدايه اقول الشاعر هذا من الثلاثه الاوايل

وشكله حبييب وطيب وفيه مظاهر تدين

الله يرزقه

وشكرا يالهيلوم على الاهداء

والله انك ترفع الراس