رشيد الزلامي يتوعد بتفكيك مطير ولكن بشرط !!!

[ابو فايح]

هذه المحاوره من اروع ماسمعت فهي جمعت عمالقين من عمالقة الشعر شاعر مطير زيد العضيله وشاعر عتيبه رشيد الزلامي محاوره لا ادري هل اسميها فكاهيه ام محاوره عنيفه ام ماذا تهديدات من الطرفين وتحدي قوي وابيات ان قلت فكاهيه في كذلك وان قلت عنيفه فهي كذلك ولكن اعتقد ان الزلامي صنفرة الشعراء بحق وحقيق وصدق من قال انه صنفرة الشعراء اما زيد العضيل فقد ابدع في هذه المحاوره ابداع يستحق عليه الاشاده اترككم مع ابيات هذه المحاوره:

رشيد
مرحبا ترحيبية التقدير للي شرفونا *** كل من جانا وشرف حفلنا يا مرحبا به
اربعه شعار راحوا واربعه شعار جونا ***من حضر سد اللزوم ويكفي الغايب غيابه


زيد
البقا باصحابنا اللي قدرونا واعزمونا ***والقصور بعيد عنكم يا معارفنا عتابه
كلنا يالاربعه نكفي عن اللي وكلونا ***يارشيد السيف دايم سلته تحمى نصابه

رشيد
ان حصل منا قصور الله عليكم سامحونا ***الكمال لربنا اللي كلنا نرجي ثوابه
يامطير انتم تراكم تقربون وتبعدونا ***والعضيله لو يلقا الموت يم المهد جابه

زيد
جعل ربعك ماتهون وجعل راسك مايهونا ***سرها وكلن يقتش يالزلامي في زهابه
كان تبغونا نجيكم ياعتابه واعدونا***وانت خلك منتبهه للي يجي واحسب حسابه

رشيد
والله اني ما آمن المطران مهما صادقونا***اخر الدنيا يخاف الرجل حتى من ثيابه
بس اخاف انا نواعدكم وبكره ما تجونا***من قرصه الداب والله مانسي سمه ونابه

زيد
يالحضور من القبايل كلبوكم صدقونا***الزلامي قالها وان قالها ماهي غرابه
اوعدونا ثم والله مانتوخر كلبونا***لين كلنا ينتهي بالطيب ولا بالطلابه

رشيد
المهم الله يوفقهم بلاشي ترجعونا ***تصعب الرجعه بعد رحتوا لقريه واللهابه
وان صملتوا بالوعد خلك الحكومه يسمحونا***واتوعد واتكفل لك بتفكيك العصابه

(هنا الشرط هو ان تسمح الحكومه ياله من تهديد وتحدي عنيف)

زيد
ريحونا يامدورت المشاكل ريحونا***انت تعرفنا ندوس الموت دايم ما نهابه
انت لو تذكر زمان اول تغير فالحونا***يوم بعض الناس من هاك العرب ينقل صوابه

رشيد
ياوجودي ليتكم يامطير حمران العيونا***تقربون شوي ثم تروح ليل وما غدابه
اشكر الله ثم ريعن ريحوك وريحونا*** وان حصل فرصه على المطران سرع الانقلابه

زيد
قول حمران النواظر ياوسيعين الطعونا***ان قربنا صار راسك من عشاشه للذيابه
الله انه يرحم اللي عقبوك وعقبونا*** اللعلوم الاوله شتان مافيها تشابه

التوقيع

عالم تويتر abofayeh@

[مشاري الحبردي]

ههههههههههههههههههه


والله اني ما آمن المطران ماهم صادقونا***اخر الدنيا يخاف الرجل حتى من ثيابه

ما اقوى منه

لاهنت يابو فايح على المحاورة

ولاهنت ان كان تقدر تنزلها صوتية او فيديو

اخوك الحبردي

[قادح شرار]

يا سلاااااام يابو فايح . فعلا ً هاذي الحفلة كانت إن ما خاب ظني في الطائف في حفل الزلمان رشيد وجماعته .

وان صملتوا بالوعد خل الحكومه يسمحونا***واتوعد واتكفل لك بتفكيك العصابه

واويلااااااااه , ياليت الحكومة يسمحونا , عشان نملأ بعض الحلوق بالشحم .




مشكووووووور يابو فايح . صح لسان صنفرة وعميد الشعراء رشيد الزلامي , وصح لسان صاحب الأخلاق العالية والروح المرحة الشاعر المحبوب زيد العضيلة .

[دوسي زهراني]

محاورة رائعه بين علمين من اعلام الشعر ..


سلم خشمك يابوفايح ..








































تحيـــات عـــاشــق الاهلــي الملكــي وجمهـــوره


نـــايــف الدوســي الزهــــراني

[لافيزي]

محاورة جميلة وفيها احتكاك قوي بين الشاعرين

ابو فايــــح مشكوووووووووووور والله لا يهينك

[روح جاي]

مشكور على المحاوره القويه

يعطيك العافيه على نقل المحاوره

[عبدالله الجـــذع]

الله اكبر..

محاوره قويه ..

لاهنت يابوفايح يالغالي..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد العتيبي]

الله الله الله
محاوره عنيفه جدا جدا ..
صح لسان رشيد الزلامي وزيد العضيله ..
...
وسلمت يداك يابوفايح ..
...

التوقيع

للتواصل عبر twitter تويتر al_bargawy@

[عبدالرحمن الهيلوم]

محاوره قويه بين اعلام اللقلطه

[محب الهيلا]

والله انها قويه

شوي وتشب بينهم

مشكور