تغطية:الحلقه الأولي (قلطة الوطن) مصوره

[الحطيم]

السلام عليكم ورحمة الله وبركاته

بسم الله الرحمن الرحيم


بمشاركة الشعراء
مشعل الشيباني ومستور السفيان وهداف الهاجري و سعد الرشيدي

(( قلطة الوطن )) انطلقت في أولى حلقاتها :


انطلقت اولى حلقات برنامج ( قلطة الوطن )
الذي ينتظره الكثير من عشاق هذا الفن العريق في الكويت والخليج العربي
حيث اعلن افتتاحه رسميا بمشاركة اربعة شعراء على مرحلتين الاولى
و شارك فيها الشاعر سعد الرشيدي من الكويت وهداف الهاجري من الكويت
والمرحلة الثانية شارك فيها مستور السفياني من السعودية ومشعل الشيباني من السعودية .


اليكم الطاروق الأول بين الشاعرين سعد الرشيدي وهدلف الهاجري


الطاروق الاول

سعد:

بسم الكويت اللي تعز الجار وتعز الضيوف

يا مرحبا من راس ابوناصر وراس ابوعلي

يوم العرب كله وحظه في ذرى حرب السيوف

الحظ جاب الهاجري والهاجري حسبة هلي


هداف:

دام البقا يا شاعري غنى جميلات الحروف

باسم الله الرحمن رب الراسيات الزحلّي

اصحى من الغفلة وشمس اليوم غاشيها كسوف

ارجع على ذكرى الصحابة والكتاب المنزل


سعد:

انا تراني عارفك وانته مجرب ومعروف

وانا علي الحرف الاولى وانت كمّل ما يلي

حنا نشوف البرق يبرق وانت ما ادري وش تشوف

زاد الظما وانته تردد يا مخايل خيلي


هداف:

المعرفة من قبل ابوك ادم عسى العارف يطوف

اللي طلع فوق الجبل لا يمكن انه ينزلي

حنا نعشيكم جمل وانتم تعشون الحروف

جو السما يلهب لهب والقاع حسه زلزلي


سعد:

هذا صحيبي واعرفه دوم التعب معه امخلوف

لحله ملايكة السما في كل ليله هللي

مادام انا وانته على الميدان من بين الصفوف

الوسم وسمي يا عميلي حافظه فوق أجملي


هداف:

كل الحروف الابجدية مبهمه وسط الزروف

والبندق الزينة تصيرك والعيون تهملى

اخاطبك وسط الكويت وقصتك وسط الهفوف

الله يرد اللي رحل والله يشيل المقبلي


سعد:

فهو يهز الراس وسط المجتمع هز الكتوف

علمتك هذي يا وسيع لمعرفه ما هي بلي


الطاروق الثاني


هداف:

يا سلامي سلامي فيه خيري كثير

والحمل شال حمله من على غاربه

ياهل البن الأشقر والتمر والمضير

رزقكم هالسنه صفق الهوى طاربه


سعد:

مرحبا يا المسلم جعل في الأمر خير

مير دنق على ظهر الجمل وأَركبه

ياهل الطرش ياللي تاسمون البعير

لحية الرجل تكفي دون فتل شنبه


هداف:

لو يصيح الغني والا يصيح الفقير

كيفكم ياهل يثرب شاربه شاربه

العدو جرد سيوف الوغى من عصير

وأنت جايب وقايد قوةي ضاربه


سعد:

أَنتَ عندك رحى لكن ما تستدير

يا أبيض الوجه كلن عارفي مذهبه

كل سباح ينزل كل بحري غزير

وأنت راعي سلوك ما بها ذبذبه


هداف:

ويش رايك تستمع لابن سلمى زهير

كان حاربك حظك بالصبر حاربه

التجارب تسرك يا صحيح الضمير

فوق جدر الحياة الكلمة العاربه


سعد:

ويش رايك تدور لك على علم غير

كل راعي تجارب يتقن التجربه

ما أطيب اللي ليا منه ندى يستشير

قبل مشرقه لا يرجع على مغربه


هداف:

ودنا بالليالي ريح مسك وعبير

مير الأوضاع يا صقر الرجا خاربه

ادخل السوق خل الصوف واخذ الحرير

خل رجلك على وجه الثرى داربه


سعد:

الله انه يهون كل شي عسير

يرخص العلم بين الضيف ومعزبه

والله انا بلشنا فيك يا أحمد بدير

كل شيي نحسبه وأنت ما تحسبه



ومن ثم جاء دور الشاعرين السعوديين مستور السفياني ومشعل الشيباني

وكانت البداية عند الشاعر مستور السفياني .

مستور:

سلام الله على دار الصباح وساسها المعمور
من ديار سعودية تشرفني واشرفها
تجمعنا على عز ومعزة والبداية نور
وبلدان الخليج على الوفا تعلن تكاتفها

مشعل:

هلا يا مرحباً في دار شيخ بيرقه منشور
يقوله شاعر لاجاتة الكلمة يصرفها
أنا أدور على مستور والله جابا لي مستور
خليجي مهجن بالملابس كيف اوصفها

مستور:

اذا عندك ثقة واصرار تجبر عظمها المكسور
ترى بعض الرجال بعز فعلها تثبت مواقفها
جمعنا الخط يا مشعل بدية يابريك الروز
ولابد القبايل بيننا تكثرسوالفها

مشعل:

انا ربعي عيبة عزوتي دايم طوال شبور
قبيلة مشيها قدام والخايب يخالفها
تجمعنا على عز وفرح والدايرات تدور
تبي الكعكة وانا من دونها ماني بناصفها

مستور:

أنا ما أذم ربعك وانته اعوج مرة الباكور
وحنا خندف اللي القوم ما تبري مشارفها
أنا قسمي على ظهر الذبيحة ما يجي في السور
تعديت العيون اللي تشوفك وانت شايفها

مشعل:

ترى حنا شبابه اخنادف محثمين الكور
على درب المراجل يا الحجازي ما انت طايفها


الطاروق الثاني


مشعل:

سلام الله على حضرة خليفة كل ليل ويوم
نصورها وتنشرها القنوات الفضائية
ابن سفيان متعصب وفي تالي الزمن مهموم
لكن المشكلة مشروكة في الراب والحية


مستور:

هلا يا مرحبا ترحيب واف والهدف مرسوم
هذي فكرة خليفة والكويت مع السعودية
بعد جات البداية عندي لكه هوشة وفرك خشوم
بعد هذا كلامك ما لكم عندي مورية


مشعل:

ابن سفيان وده يا عرب يلحق طيور الحوم
لكن الله نتف ريشه وعرضه الشمالية
أنا قدلي ليالي مادخل جفني لذيذ النوم
لكن انته حرامي طايح لك في حرامية


مستور:

تدور لك مكاسب في البلد واثر البلد مزحوم
تحسبك لا العتيبي بين رفحا والنصيرية
عسى ربي يجنبنا طريق الطير ابوزلقوم
لوأنه شافني ما باق لاغتره وطاقية


مشعل:

نصحتك قلت رزقك ف الحجاز وعندهم مقسوم
ولا تطلع لحر الشمس وانته داخل الغية
ترى صوت البحر قالوه يا لحرى لا هوم
بدا وقت التطور وانتهى وقت العمانية


مستور:

تناصحني ولكن أنته ما أنت خالق المعدوم
اثر قلبك حسودي وانت ما ربعك حسودية
لو أنك يا برهة عايش يحطونك بجيش الروم
وتاكل حصة اخوانك ولا تقسم بالاسوية


مشعل:

ليا غاب القمر بكره يجي لك ف سماك نجوم
وهذي بلوة من خالق الدنيا سماوية



واليكم بعض الصور




الشيخ خليفه علي الخليفه الصباح والنائب السابق عباس مناور




الشيخ خليفه علي الصباح والشاعر مشعل الشيباني واخوكم ابو يوسف كاتب الموضوع

























مع تمنياتي ان تنال اعجابكم