قصيدة خاصة بالهيـــــــلا
الفضل لله ثم لآل سعود يا القلب الحسود=وعتيبة الهيلا كلام اهل الحسد ما ضرها=
اعزنا الله والنوايا بيض والمرقى سنــــود=واهل النوايا السود قولً قالته ما سرهــا
سود النوايا في قلوبً سود خلف وجيه سود=خل الوجية السود ما تلقى ما يبرد حرها
تعال يالتاريخ واكتب عن عتيبة والنفود=ترى نفود السر حنا اللي كشفنا سرهـــا
ما عد فيه اسرار راح السر مع ماضي العقود=هذي نفود الملتقى للي يجي ويمرهـــــا
انجاز لا قبله ولا بعده ولا يمكن يعــــــود=وقبيلةً يا بخت حظ اللي تكافى شرهـــا
يا هيه والله ما تحركها المدافع والجنود=وانت تحاول كيف في جرة قلم تجترهــا
ما نلت منها غير ما نال القراد من القعود=لكن ابا اقول لك كلمة في ضميرك صـرها
أي نعم الهيلا هل العوجاء عريبين الجدود=العزوه اللي في سموعك والعيون نذرهــا
على الهواء قد قالها مشعل وقدام الحشود=ردع لمن نفسه هواها غرته واغترهــــــا
احلا من الشهد المصفى للقلوب والكبود=وعلى كبود اهل الحسد ياحلوها يمرها
وما دام ابومتعب وابوخالد ونائف في الوجود=معهم نكافح نامس الديرة وناطى ذرها
خدامهم وجنودهم امن الوطن سور الحدود=والمملكة في وجيهنا من بحرها لا بــــرها
توحيدنا بالله وحدة والولاء لابن ســعود=شعارنا الثنتين والدين الحنيف اقرهـــــا
الشاعر : علي بن صامل العازمي
آخر تعديل علي بن صامل يوم 09-Mar-2008 في 02:37 AM.
« آخـــر الـــمـــشـــاركــــات »
09-Mar-2008, 02:34 AM
الهيــلا و نـفود السر
العرض العادي
