اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
11-Nov-2003, 04:10 AM | رقم المشاركة : 1 | |||
|
يامسوي الفنجال
يامسوي الفنجال سوه على الكيف** وحذرى تهاون والحطب سمر مصفوف
سوه سواة معلــم فيه حـــــــــريف** يجلا عماس الكبد في داخــــل الجوف لافاح ريحه يذعـــــــر الجو ماشيف** ياصلك ريحـــه قبل ياصـــــله الشوف بدلال شاميــــــات صفر مهــــاديف** بنه يجــي من يم خـــــــــولان مقطوف علي انا يالقـــرم كل التكــــــاليف** من غير شغله يافتـــــى مانت مكلوف خله يعجز واصــفه بالتـــــــواصيف** يبرد هجــــوس القلب لاصــــار ملهوف الطير ياخـــوك حصله صــــــواديف** يوم الهدد جــــاله عن الصـيد صادوف العام بكـر وفعله اقوى من السيف** واول هداده فرخ مايعــــــرف الخوف اجرد هجر له قحـــف عين تقل قيف** له صــــايد مثل السنـــــــانير معكوف يفرح به القنــــاص وقت الهفاهيف** بعد طلـــــوع سهيل والجـــو هفهوف ليا شافله جـــولٍ رتـــــوع مواليف** حول عليــــــهن كنه الحيــــد محذوف وهذا السنه جاله صدوف وتصاريف** جاله صـــــدوفٍ من سبب عين ملقوف عميت عيون النذل مسكين وضعيف** مايذكر اسم الله صاقط النفس مضعوف يادهام والله صبتنــــي بالتحاسيف** كثرت حسوفي يوم الك فعل معروف انا هــــوايه يالرجال الشــــواحيف** نقل الوحش بارض بها الصيد موصوف عقب المطر ماطبـــــها الا الزناعيف** ناطا الخــــطر غصبٍ ولافيــه معروف مالي هوى في لابســـات النفانيف** اللي على سمــــو العذارى لهن نوف نجل العيون مخضبــــــات الاطاريف** شقر ن جدايلـــهن والوســـط ملهوف |
|||
|
|
11-Nov-2003, 04:24 AM | رقم المشاركة : 2 | |||
|
اشهد بالله انها قصيده من اطيب ماقيل في معانيها
وصح لسانك يامتعب والله يعافيك ويبارك فيك |
|||
|
|
11-Nov-2003, 04:37 AM | رقم المشاركة : 3 | |||
|
الى ذياب المرشدي
يامرحبا ياولد العم
اولا اشكرك على هذا الاطرا الرائع وسلمك الله. وانا تراني غشيم شوي في الحاسب وطلبي عندك ابيك تسويلي توقيع ممتاز ينزل دايم في المواضيع اللي اكتبها وان كان عليك فيه احراج بلاشي ومشكور. |
|||
|
|
11-Nov-2003, 04:49 AM | رقم المشاركة : 4 | |||
|
اخوي متعب
صح لسانك ثم صح لسانك وبيض الله وجهك على ها القصيده الجزله ننتظر منك المزيد وانشاء الله انه ما يبطي علينا اخوك ،،، ابو ماجد |
|||
|
|
11-Nov-2003, 04:59 AM | رقم المشاركة : 5 | |||
|
اشكرك
مع جزيل الشكر لك يابو ماجد والله يبارك فيك
|
|||
|
|
11-Nov-2003, 05:22 AM | رقم المشاركة : 6 | |||
|
ابشررررررر
اخوي متعب انت تأمر امر والطيبين شرواك واللي تبيه انا مستعد
وهاذي اول التواقيع وهي لك هديه ولجميع منتدانا اعضاء منتدانا حفظهم الله http://http://www.otaibah.net/m/show...9555#post39555 تحياتي لك ولا انسى اخوي ولد روق انه عرض خدمته للمنتدى في عمل التواقيع وهو مشكور على جهوده الطيبه ورابط موضوعه هو http://www.otaibah.net/m/showthread....9546#post39546 وللجميع مني تحيه |
|||
|
|
11-Nov-2003, 06:09 AM | رقم المشاركة : 7 | |||
|
الاخ متعب ....
صح الله لسانك يا الطيب على هذه القصيدة الرائعه ... تقبل اجمل تحية ,,,, |
|||
|
|
12-Nov-2003, 04:15 AM | رقم المشاركة : 9 | |||
|
اشكركم
جميع الاخوان مع الشكر والتقدير والقصيده لوالدي اطال الله عمره وهو من هواة المقانيص بشده ولكم مني اجزل التحية والتقدير
|
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|