رشيد الزلامي

[ضاامي وفااا]

ياهـن ابـن هـن مــاوالله ارداك
ومااردى نصيب اللي يسوي سواتـك
ومااردى نصيب اللي من البعد ينصاك
يبا العشا ويشوف بعـض احركاتـك
تحلق الشارب مـن الديـن يـاذاك
ودك تخـدع المومنيـن بصـلاتـك
لكـن وش تكسـب بدينـك ودنيـاك
لا صار ترك الواجبه مـن صفاتـك
لا صار ضيـف الله تلقيـه علبـاك
باقي علومك خشهـا فـي عباتـك
الجود مافقّـرك والبخـل مااغنـاك
ولا تحسب انك مت من موت شاتـك
الخاتمه من يـوم هـاذي سوايـاك
بالله لا تعـطـي عتـابـه بنـاتـك
تكثر بنا الرديـان مثلـك وشـرواك
وتروح تشمتنـا الرجـال بشماتـك


قصة حياتي




البارحه والناس غافيـن وهجـوع
جتنـي هجوسـي ورداً سارياتـي
والليل طال وخط الارسال مقطـوع
ياليل ياطولك متـى الصبـح ياتـي
قزرت ساعاتك على ثومـة الكـوع
مالـي نديـم الا الثـلاث الخواتـي
صفر الدلال اللي بها الهيل مشموع
باشكـال وارناقـا معـه لايقاتـي
واصبحت من كثر الهواجيس مفجوع
وافكـار قلبـي شـرداً سارحاتـي
ياسائلاً تسأل ترى الصوت مسموع
وما نشر بالصفحـه قريتـه بذاتـي
سويت لي مشروع من غير مشروع
والزمتنـي بالـرد دون شهـواتـي
اكيد عندك يا فتى الجـود موضـوع
والا مسوي بـك زمانـك سواتـي
مسقيك من علقات الايـام قرطـوع
وتسمع صراعي فيـه ومغامراتـي
فان كان هذا الامر بالشكل والنـوع
خـل الامـر لمكـون الكاينـاتـي
ساير زمانك كان لك قلب وضلـوع
وارج الفـرج بايامـك المقبلاتـي
وان كان ما طاعتك خلك لها طـوع
ما انته بضاربهـا برمـح الزناتـي
اما سوالـك مـا جوابـه بممنـوع
ولو للحيـاه اسرارهـا الخافياتـي
اجاوبك لو ما معي منـك منفـوع
تحب تعرف كيـف قصـة حياتـي
حياة ذيباً عايـش الفقـر والجـوع
ليلـه يبـات وليلـة مـا يبـاتـي
اعيش عيشة ذيب والراس مرفـوع
وان قلّ مالي عـزّ نفسـي غناتـي


رحلة مع الايام




رحلة مع الايـام صولـة وجولـه
نزعة شباب وكملت عمر مخلـوق
بديتهـا وانـا بـسـن الطفـولـة
واليوم رسم الشيبفالراس من فـوق
حاولت احقق شـي مانـي بحولـه
ولاشفـت للدنيـا حــلاوة ولاذوق
ماهوبانـا الليقلـت كلـن يقـولـه
كم عاقلن قلبه من الدهر محـروق
ركض مـع الدنيـا وتعبـت ذلولـه
ومثلي على درب الخطر ساقها سوق
واليوم جالـس والذلـول معقولـه
وايا انتبه غنى من الشعر طـاروق


قالوا تعلمت



قالو تعلمت قلـت عنـاد وفراسـه
اجاهد النفـس والدنيـا واصارعهـا
ودرست في مدرسه من شيبت راسه
دنيا العنا للـي قضيفـات مطامعهـا
تلميذهـا دايـم تكتـب بقرطـاسـه
تعطيـه جملـة دروس مايضيعهـا
والله عطانـا نظـر وشعورحساسـه
ناخذ علوم المعرفة مـن مراجعهـا
ونساير الوقـت ونقيسـه بمقايسـه
ونواجه النفـس بالواقـع ونقنعهـا
وترى حياة الفتى مهما قوى باسـه
محفوفه بالخطـر والمـوت تابعهـا
من مبتدى العمرحتى يلفـظ انفاسـه
يمر فـي مرحلـه تكثـر زوابعهـا
اول حيـاة الفتىمشـوار وعساسـه
مسافه في عجـاج العمـر يقطعهـا
وثاني حياة الفتى تدريـب ودراسـه
تصعب ظروف الحياه وينشغل معهـا
وثالث حياة الفتى يرجع على ساسـه
النقطه اللـي بـدا منهـا يراجعهـا
ياصل لسن الهرم ويضيـع الطاسـه
ويزحف مع الارض ويخطط شوارعها
ولياتلاقت متونـه وارتخـى راسـه
ضاعت جميع العلوم اللـي يجمعهـا


القصائد بصوت الشاعر والقاءه الفريد

اعنف خبر (رثاء في الملك فيصل)

سلام يادار الوفاء

سلام ياسلمـــــــان

حنا سعوديين

من سب داري

ليا صليت قالوا سعودي

الشجرة ال سعود

يانجد حبّك هو شرابي وزادي

بديت القيل

يالله تامرنا

الا يالله

ربعي عتيبه

رحلة مع الايام

قالوا تعلمت

[بدر الديحاني]

الله الله

اختيار رائع بالتاكيد دام فيه

العلم [ رشيد الزلامي ] أطال الله بعمركـ يابوجميل

ضامي وفا بارك الله بك يالغالي

تحياتي

[جراح العازمي]

الغالي ضامي وفا

لاهنت طال عمرك على المختارات الجزله

[الـ زيــد ــزلامي]

يعطيك العافية ضامي .. وفا اختيارااات موفقه


تحياتي