الاهرام الشعريه ( محمد الخس ) ( عبدالله بن عون ) رائعه جدد

[بدر الديحاني]

هذي قصيدة عبدالله بن عون (ابونايف)


والله مابدلـك بالغنـم يالمغاتيـر
واني مابدوي بك من الناس شاوي
حتى تخضين الفيـاض المخاضيـر
وتقطفين ارقـاب نبـت الصـداوي
اليا جاء لروس قليقلانـه نواويـر
مثل الدقوق بريش خطو النـداوي
الابل محبتها لهـا طابعـن غيـر
واليا وقعت فالقلب ماهيب تـاوي
ثنتين مافيهـن مسـاوم وتسعيـر
لا فاتن الرجـال طـاح متسـاوي
دامه يراودهن وهو في رجاء خير
ولا غيرهن لمراض روحه مداوي
وليا تركهن هف مع شفـت البيـر
وصارت اموره بين هاوي وعاوي
محبة الوضحـا وحـب الغناديـر
يستانس اللي في طلبهـا رجـاوي
اليا عرضت شقرا شعرها دعاثيـر
بعيونها تخلـف مسـار الهـواوي
واللي يبي يطلب عن القول تبريـر
لاينشـد الا طيبـيـن الهـقـاوي
يرفع لمثل لمحمد الخـس تقريـر
ويستنظر الحل الصحيح القصـاوي
واليا خذا التقرير من شاعر مطيـر
تـراه حلـن مايعقبـه دعــاوي
ويمكن يقول الثالثه نقلـت الطيـر
اللي حصل رفض الجناح الرهاوي
رفض الجناح اللي ليا استتبع السير
حول على راسه بالامر السمـاوي
طرح الشبك ماهوب من وارد الجير
من طار من عشه امراحه خلاوي



وهذا رد ابوخلف محمد الخس


جتني بيوت مصخر القاف تصخيـر
عبـدالله النايـف ربيـع الفـداوي
يقـول وش رايـك ويبانـي اشيـر
رايي مثل رايك على منـت نـاوي
ياراعي الوضح الخيـار المصاغيـر
اللـي لمثلـك ماتجـي بالمنـاوي
لاتطيع بالمغتـر جميـع المشاويـر
كانك علـى لـذات قلبـك شفـاوي
خل الغنم لو هـي تجيـب الدنانيـر
راعي الغنم فقري لو انـه غنـاوي
ليا طاح من غر المزون الشخاتيـر
فأرضن بعيدأ دونها الذيـب عـاوي
ثم جاء لعشب الوسم فيها دواويـر
وتغاوزوها مـن جميـع النحـاوي
راع الغنم ماهوب ياصـل بتيسيـر
الا بشيـل وحـط واخـذ وكـراوي
والبل تزاعج مع وجيـه المظاهيـر
يومن لها عشر اجبتـن للشـواوي
تاصل ولو ان الحيا من ورى الذيـر
مادام تلقى مـن شحمهـا شـلاوي
ويضأ ضحاياهـا رقـاب المناعيـر
يوم الطرب قبل السـلاح النـواوي
وان جتك عكشأ مثل خشف الحمارير
نبريـه تبحـث خفـا كـل غـاوي
ارجع لها لو يزعلـون الحجاجيـر
كان انصحت لـك بالغـلا لاتـراوي
والاشقر اللحـاق عـوق المدابيـر
لاتتركه دام انـت هـاوي وقـاوي
اللي تماري بـه جميـع الصقاقيـر
لاجيت قاعن فيه عشـب وحـراوي
وانته سديد الراي فـي كـل تدبيـر
وتسنـع الغـاوي كفيـت البـلاوي


انشاء الله تنال إعجبكم

محبكم ابن مطير [ بدر الديحانى ]

[مشقـاص]

صح لسان الشاعرين

ولاهنت على نقلها يالغالي

[محب الهيلا]

مشكور وماقصرت على النقل

[عبدالله الجـــذع]

بدر بيض الله وجهك ياالغالي..

صح لسان الأهرام كما ذكرت..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[بدر الديحاني]

لاهنتووو على المرور يالغالين