ماهيب شامية دقت وغلطانه

[ملفي بن عون]

السلام عليكم ورحمة الله وبركاته

يسعدني ان اقدم لكم هذه القصيده واللتي اخاطب فيها احد الاصدقاء

وهو الشاعر عبدالرحمن الشمري وذلك تلبتا" لطلب بعض الأخوان لها

في هذا الصرح الشامخ وارجو ان تنال اعجابكم_______________

	يادحيم لوشفت غرو(ن) ضاق فستانه= بين تفاصيل جسمه لعنبو حيه مادري يبا السوق والا بيت جيرانه= والناس مع ساقته راكب ورجليه تمشي على هونها ماهيب عجلانه= وثنتين معها ولاهن عندها شيه مرت وهي بالوسط ماهيب طرفانه= هي الطويله وهنه اقصر شويه اللي على يمينها تقول هلكانه= طرت علي المجاعه في ثيوبيه واللي على يسارها تقول مرضانه= في كف جوال والثاني مداليه تلد بعيونها لو مالها خانه= القلب ماهوب فندق للرومنسيه ماجاب طرق الهجيني غيرمن شانه= مياست(ن)كنها بالوصف حوريه القلب سلملها مفتاح بيبانه= حوريت(ن)بين جنيه وجنيه لاهي نحيفه ولا بالحيل مليانه= ريان عوده وعنقه عنق ريميه يوم اقبلت شفت رمانه ورمانه= رمانتين(ن)بوسط الجيب مخفيه كن النحر لو غطا نصفه بكتانه= قدحت فلاش المراسيم الاميريه لحظت تعدى لمحت الموت بالوانه= تحت العبايه لها هزات جزئيه منها خطوره على زنده وسيقانه= استغفر الله عذاب(ن)للهواويه اللي على موتره وقف علاشانه= واللي تبعها بلا غتره وطاقيه حتى اليماني طلع ماصك دكانه= اعذر بقشه ولا سكر تجوريه يادحيم قلبك تولع يم لبنانه= وشلون يالشمري لوشفتها هيه ماهيب شاميت(ن)دقت وغلطانه= لاوالله الا هنيا بالسعوديه

التوقيع

[ frame="7"] لحظة غيابي كانها ماتهمك= لاعاد تسأل ليه انا غبت واقفيت مابيك تذكرني ليا جيت يمك= ابيك تذكرني ليا غبت وابطيت [/frame] ملفي بن عون

آخر تعديل ملفي بن عون يوم 02-Mar-2008 في 02:52 PM.

[نواف العصيمي]

وعليكم السلام ورحمه الله وبركاته

حجز مقعد في الصفوف الاماميه



ولي عوده يابن عون وصح لسانك..

ولك التقدير والإحترام

التوقيع

[محب الهيلا]

صح لسانك

مشكور وماقصرت

[طارق النفيعي]

الله الله
صح لسانك ولاهنت

قصيدة رائعه وجزله بالحيل

التوقيع

أخوكم : طارق النفيعي

[خالد المقاطي]

المشاركة الأصلية كتبت بواسطة ملفي بن عون

السلام عليكم ورحمة الله وبركاته

يسعدني ان اقدم لكم هذه القصيده واللتي اخاطب فيها احد الاصدقاء

وهو الشاعر عبدالرحمن الشمري وذلك تلبتا" لطلب بعض الأخوان لها

في هذا الصرح الشامخ وارجو ان تنال اعجابكم_______________

دللـــــــــه درك




ياملفي .. وقفـــه لمعانقه الجمال












وعودت تليق للنص الشامـ خ







لي عودااااات









اخوك ::

[ابراهيم الزراقي]

صح لسانك يابن عون قصيده خياليه ويستاهل دحيم

[زحزيح]

بـدون تعليـق!!

وافيـه مـن وافـي يـا ملفـي

وتقبـل مـروري

[أبو فيصل الدلبحي]

يوم اقبلت شفـت رمانـه ورمانـه ××××× رمانتين(ن)بوسط الجيـب مخفيـه







صح لسانك وانا اشهد انك بحر من الابداع (اشوف عينك من الرمان ذبلانه ×××××× والله يعينك على شوفه وطاريه ) اسمحلي على القافه







تقبل خالص اعجابي وتحياتي يالجزل

[شوردي العتيبي]

صح لسانك وبيض الله وجهك يالغالي

[عبدالله الجـــذع]

حتى اليماني طلع ماصـك دكانـه....اعـذر بقشـه ولا سكـر تجوريـه

صح لسانك يامبدع ..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا