ليش تستحي من أبوك أكثر من أمك

[محب الهيلا]

السلام عليكم ورحمة الله وبركاته



هذا الموضوع يمكن يخص الشباب اكثر

كثير من العيال والشباب يومونون على أمهم أكثر من ابائهم


يعني اذا يبي فلوس أو بيطلب شي أو بيسأل عن شيء

تشوفونه يستحي كثير من أبوه او بمعنى اصح يحترم ابوه اكثر

ويحط الحرقة في أمه

حتى اذا صارت مشكلة اول يجي ويعلم امه

علشان هي بدورها تتولى العاصفة وتكون المسكينة في المقدمة


أحيانا الأب يحط حاجز بينه وبين عياله ويكون جاد أكثر من اللازم

وأستغرب من هالعلاقة الغريبة اللي بين الأب وولده

أنا أقول الاحترام لابد منه لكن لاتصل الى درجة الخوف او الحياء الزايد

مع الأب

يعني تشوف الأب يسولف مع عيال الناس وعيال ربعه

بس مع عياله يكون غير واضح ويكون تصرفه معاه غريب وجدي أكثر من

اللازم.

في المقابل فيه اباءمثل الأصدقاء مع عيالهم وهذا شيء ممتاز

بس قلنا لابد أن يكون بينهم احترام


هل بنظرك السبب في الحاجز الذي بينهم هو الأب او الأبن؟؟؟؟


منتظر مشاركاتكم