ابيات للشعراء في الطير والمقناص

[فهد النفيعي]

عزام لامنه طلبني سبوقه=ماقلت ياعزام طلعك على ويش
موكد(ن)طلعه ومثبت لحوقه=ماجا على طلعه غبار(ن)وتشويش
لونها تحته او ان جات فوقه=مرهي عليها من قبل تنفض الريش

مباارك الهاجري


واطيري اللي مات وقت الهدادي=وانا اتحرى طلعت سهيل وارجيه
ليته على برقا الجناحين غادي=ولا على ذربين الايمان مهديه

محمد بن دشن الهاجري

واطيري اللي مايتاوق لياشاف=لامن وكد بالطلع تل وعطيته
غدتبه اللي غرفها غرف مجداف=من يوم شفت طيارها مارجيته

عبدالرحمن العطااوي

ياعين عين اللي تنكس على اللوح=بيض الدواغر في المفالي طرحها
اليا علاه في السما لاحها لوح=اما ضربها عرض ولا نطحها

محمد بن مقعد الرشيدي

ماهوب بيتيين عن الصيد مشفوح=ان صادها في الارض ولا قلعها

شاعر مجهول

ياعاشق المغتر تحدى المجاهيم=الفعل خله لاشقر اللون صافي

العطاااااااوي

ماهوب وكرين عشاه الجرادي=من العلف شر(ن) على كف راعيه

محمد بن دشن

ياهل الطيور اللي قليل(ن) هددها=ياليتكم من هالعنا تستريحون

شاعر مجهول

الطير مايعطيك عهد(ن) واماني=اللي ليامن حام سمّوه مختار

ابن عفيشه

ليت غازي ماقنص لفياض عيده=ماقنص لمحقبه ولا وراها
وش يبي بديار نقّال الحديده=ديرة(ن)كسّر وانيته في حصاها

عبدالله الضحيك

يالضحيك الهرج وقف لاتزيده=عندي الاخلاق وصلت منتهاها
الحباري مابقا منها شريده=والشريده شبك(؟؟؟) حماها
ماذبحني كود ناس(ن)مستفيده=والنظام اللي وطاني ماوطاها

غازي الميموني

[طارق النفيعي]

ماقصرت وأبدعت يالنفيعي


ننتظر جديدك ..

التوقيع

أخوكم : طارق النفيعي

[فهد النفيعي]

لاهنت على المرور يولد العم

دام تواصلك..

[عتيبي وافتخربربعي511]

بيض الله وجهك

[محب الهيلا]

الله يعطيك العافية على الأبيات التي اورتها

مشكور وماقصرت

[فهد النفيعي]

مشكور على المرور

[ابن البجاديه]

اخوي الغالي

فهد النفيعي


اشكرك على ماقدمت


واهنيك على ثقة الاداره وتعيينك مشرف بمرتبة الشرف

وتستاهل الثقه يابو عامر

ولو ان التهنئه جت متأخره بس اعذرني

[فهد النفيعي]

لاهنت على المرور يا ابن البجاديه والبجاديه هي الديره الغاليه على قلبي وتهنئتك مقبوله يا الذيب

[عبدالعزيز الدعجاني]

يعطيك العافيه

[فهد النفيعي]

لاهنت علىالمرور يا بن مفلح