من روائع الشاعر/ ضيدان بن قضعان

[فيصل ابن خيشوم]

من روائع الشاعر / ضيدان بن قضعان

راكب اللي مـا تجيبـه وكالـة بالبيـد=ولا يجيبـه بهبهانـي ولا وضيحـي قطـر
ادهمٍ وسم الجميح علـى جنبـه جديـد=مهبل اللي يـوم عـرض يحسبنـه شفـر
جمـس شكمانيـن ملقبيـنـه بالولـيـد=من سرابه مـا يغبـط القصيبـي والجبـر
كاتبينٍ فـي ضمانـه حديـده مـا يبيـد=تمرةٍ قـاري عليهـا حفيـد ابـو بكـر
كن وجهه لا نطحته تشعشع صبـح عيـد=وان قفيته كنه السيـل لا سـال وحـدر
وان عرضلك في مزاياه من عنـق الفريـد=وان ركبته تحسبنك علـى سطـح القمـر
دقته نغمة عبـادي علـى سلـم فريـد=لا عزف الاول وجاوب على عاشـر وتـر
لا شتغل قالت شكامينه اركـد ياحديـد=والقزوز تقـول للقـاع روح يـا فقـر
كن في الشكمان الايمن صدى عبد المجيـد=وكن في الشكمان الايسر صدى نايف صقر
والبلوف تقول للكهربه هـل مـن مزيـد=والسيور تقـول للمروحـه ايـن المفـر
تحت كبوته مـن الفـن طيـران وعبيـد=مـا يغنـون المسافـه ولا طـال السفـر
كل اغانيهم على الدرب واصـل ياعنيـد=لين تلفي قصر شيخ علـى العليـا شهـر
سايقه من صلب ربعي وله بـاس شديـد=ما يخاف البعد والليـل والمـوت الحمـر
من صناديد ال عرجاء هل العلم الوكيـد=لابةٍ من جن تمشـي علـى هيئـة بشـر

__________________

[عبدالرحمن الهيلوم]

مشكوووووووووووور يالغالي وصح السااااانه

[أبو مرحبا]

قصيده رائعه

صح السان الشاعر ضيدان بن قضعان

يعطيك الف عافيه على النقل الرائع

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[الروقي فواز]

بيض الله وجهك

يافيصل على هالنقل الرائع

وصح لسان ضيدان بن قضعان

مشكور

[محب الهيلا]

صح لسان الشاعر


مشكور وماقصرت

[فيصل ابن خيشوم]

مشكوووورين على المرور

بيض الله وجيهكم