قصيدة حجاب الدوسري في مدير اصلاحية الحاير

[سيف القهر]

السلام عليكم ورحمة الله وبركاته

إليكم هذه القصيده التي جاتني من اخوكم حجاب الدوسري في سجن الحاير وكانت مناسبة القصيده كما يلي

قصيدة الشاعر حجاب بن غصاب بن جلهم الودعاني الدوسري في المقدم سعيد بن ظافر الحقباني مدير اصلاحية الحايرفي الرياض عندما نقل اخي وزميلي عجب بن مترك بن عجب بن حجنه النفيعي العتيبي إلى سجن الملز وكلمته وطلبت منه إلغاء النقل وقال ابشر ودق صدرهويوم جاء اليوم الثاني غدرنا وارسل السريه وثعالته وخذووه لو انه تعذر من البدايه وقال هذا النظام كان عذرنااه بس المشكله يوم يواعدنا ويخلف الوعد فقلت هذه الابيات:

ماكل من قال قول(ن)يوفي بقوله***ومن لا فى ناقص(ن)من ماض الاسلافي

لولا الشدايد بقت الاسرار مجهوله***لاشك وقت الشدايد يظهر الخافي

قول بلا فعل يوم يقال وش هوله***لوه سكت كان متريح ومتعافي

من قال قول(ن)تراه يصير مسؤوله***ومن لاحتمى كلمته جبان ياكافي

بالله لا جيتوا الحقباني افتواله***كيف اسود الوجه يوعدني ولا يافي

السود تكسيه مني بأول الجوله***ابني له السود انا في كل مشرافي

انا توهقت في عرضه وفي طوله***بالرتبه اللي حملها فوق الاكتافي

أنخش مني الثعل وأرسل لي ثعوله***مايدري الناقص أن عيبه بينشافي

في كل مجلس دواسر فعله أقوله****سعيد ناقص وكل دروبه أعجافي

على دروب الرشاوي تلعب طبوله****وعلى دروب الردى شفقا وميلافي

كبينه ماتكلم كود بعموله***طافي ولادهن سيره يشتغل صافي

ليت اخر اسمه من الاثبات مشيوله***اسم الدواسر حرام يشيله ضعافي

ومن لا ينومس من عدت فعوله****ياجعل يسفي على تاليه سافي

المرجله ماتجي للرجل بسهوله***تبغى لها واحد يسعى ويطافي

لاجا نهار يشيب الراس من هوله***مايحتمي الموقف إلاقرم وسنافي

قلت الحقيقه وهرج الزور ماقوله***تبي الحقيقه تجيك ارباع وانصافي

ليت إبن غصاب عند إرسال مرسوله***مارسل يبي فزعة الحقباني الهافي

ياويش لي من كلام ضاع مفعوله***الغلطه اني أنتظر من ناقص إسعافي

وختامها يالنشاما ودي اقوله***الفزعه اللي مع الانذال تنعافي


صح لسانه

وتحياتي اخوكم/

سيف القهر

[عبدالرحمن الهيلوم]

مشكووووووور يالغالي وابشرك //عجب طالع في القريب انشاء الله

[محب الهيلا]

صح لسان الشاعر

مشكور وماقصرت

[عبدالله الجـــذع]

بيض الله وجهك يابن الاجواد ..

صح لسانك مليون ..

وشكرا بعنف..

ماقصرت والله وافي يالغالي..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[فهد النفيعي]

صح لسان الشاعر ولاهنت