هل منتدى عتيبة هو الوحيد في العالم الذي يمنع تواجد العنصر النسائي !!!!!!!!!!

[الوليد الاسعدي]

هذه عينات من وجود العنصر النسائي في المنتديات والتحاور مع الرجل وما خفي كان اعظم.... والي ماعنده اخت او قريبة لايقرأ .. بغيت بس تصور ان اللي تكتب في المنتديات خل نقول مهي اختك علشان ماجرحك .. قل بنت جيرانكم . طبعا انا اتكلم عن اللي يرون ان المرأه لابد لها من الحشمة ... اما غيرهم من يرى انه راقي ومودرن بالله يجنب . من جهة اخرى احيي المنتدى هذا بأنه لايقبل العنصر النسائي وهذا تميز وحفاظ على موروثنا واصالتنا الطيبة .. والا المشرفين تلقى ماعندهم الا بس يانجوى ... اسكتي ياعنود ... مفصول ياسمير زعلت البندري ..

واليكم العينات :

هذي وحدة تبي تسأل والحيا مقطعها :
ابي اسئل عن اشياء خاصه في المنتدى ماني فاهمتها
هل من معين ؟؟؟؟؟؟؟
ابي احد يساعدني تكفون .
ابي اسئل بس موب الكل يطلع على اسئلتي
يعني لو ممكن تكون الاجابات تجي على ايميلي .
ايه انا ودي اعرف وشلون اسئل ولمين اوجه سؤالي ؟
بس ماتكون اسئلتي يشوفها الكل
اخاف يضحكون علي

وهذي الظاهر انها نفسها الي فوق جرجرت هالعالم ثم هونت :
اقول هونت ياخ شكلك يخوف
انا حبيت ان يكون فيه خصوصيه لاسئلتي لانها غبيه شوووووي

وهذي تشكر الاخ :
مررررررررسي (..........) .

عينة تعارض ... تبي تطلع القمر:
انا اشوف يااخ ..... ان كل وحده حره تسجل بالفخذ والا باي اسم
والا ماتتركون سوالفكم يالبدو
العالم طلعت للقمر وانتم تحكون في اشياء تافهه
وبعدين الصحابيات ذكرت اسمائهن في القران .
مو فخذ بخلان عليه فينا لان كلنا بنات حمايل والا الفخوذ مايذكرها الا انتم !!!!!!!!!!
انا ماسجلت بفخذي مو اسنقاص في حقي او شعور بالاحراج او الخوف ان احد يعرفني
بس احب احتفظ بخصوصياتي وغيري يمكن يشوف ان ذكر الفخذ شي عادي

]وهذي زعلانة :
]وبعدين اغلبكم بدوووووو واتحداكم تنكرون
والا بينكر حيكون صلب ( يعني من دون اصل )
والا حضري يابعدددددددي

وهذي تمدح واحد قال قصيدة :
عندما يحين الغروب وتحمل الشمس معها النور عندما تتلاطم أمواج البحر وعندما نرى ظلال الشمس الغائبة وحبات المطر تداعب وجنات الأزهار ,وياله من منظر جميل نسعد به كما سعدنا بتميزك الرائع في كتابتك لهذه القصيــــــــده وإبداعك في إنتقائك لكلماتها الجميله فهنيئاَلك بماتملك من موهبه لكي تبوح بما يجول في خاطرك وتمتع القارئين بكتابتك.

تشجيع :
تسلمين الغالية ما قصرتي.. الواحد يحتاج التشجيع عشان يستمر.. تسلمين على مرورج الكريم...


واحد يشعر وهذي ترد :
ماشاءالله عليك بدايه رائعه بكلمات جزله وقوة في المعاني رااااااااااااااااائع وصفك وتعبيرك يعطيك الف عافيه وننتظر جديدك .. اموت .


تبادل ثقافات :
الله يسلمك أختي وعسى هالضحكه دوووووووووم مو يووووووم
قوليلي الكلمات ألي مافهمتيها وأنا أترجمها اوكي
بااااااايوووووووووو


هااااااااااااااااي :
هاااااااااااااااااي انا اخترت للحلوين اللي يحبون new lookبس اخترت لكم ستااااير روووووعه خياااااااااال تقدرون تضيفون لمسه من الخيال لبيتكم بها انتم شوفوها ومتاكده راح تعجبكم وتتجننوا عليها مثل ماجننتني .


وسلامتكم

[نهيان الحمادي]

بارك الله فيك
و الحمدالله الذي انعم علينا بنعمة الاسلام
نحن نعلم ان المرة هى نصف المجتمع و له دور كبير و عليه مسئولية
عظيمة في الحياة و لكن حرصا منا على اتبع الشرع و الامر الرباني الذي قال للمرة( (وقرن في بيوتكن و لاتبرجن تبرج الجاهلية الاولى) وحيفاظ على بنات القبيلة
و سمعة عتيبة فأن الاخوة جزاهم الله خير منعو المشاركة النسائية و هذا شى طيب لنا
كثير من المنتديات ترى فية اسماء نسائية قد غسل منها ماء الوجة و المنتدى هو واجهت القبيلة و مجالس القبيلة فاكيف يجتمع رجال عتيبة مع نساء عتيبة.
ثم ان كثير من ضعفاء النفوس ربما يستغل النت و يدخلون باسماء مستعارة الى فخوذ قبائل عتيبة
و هم رجال و لكن يكتبون باسماء نساء و هذا فيه فتنة و فرقة المرة مالها الى بيتها .
اخوك نهيان الحمادي

[سعـد العصيمـي]

الاخ الوليد جزاك الله خير
انا كنت في منتدى سابقا وسبب تركي لهم هو جراءة بعض الكاتبات هداهن الله حيث ان الحديث مع المرأة جميل في بدايته لكن يؤدي الى نهايه غير طيبه بعضهم يقول نساعد لان المساعده فيها اجر

والحقيقة خشيت على نفسي فتركت لهم الجمل وما حمل .....هذا للكاتبات التى يلعب وبدون هدف.

من وجهة نظري ان يكون لهم منتدى خاص فيهم لان الحقيقة ان بعض الكاتبات لهن مقالات رائعة ونسال الله ان يبارك فيهن .

اللهم اهدنا الى الطريق ولا تزغ قلوبنا بعد ما هديتنا.......

[طلال الثعلي]

مشكوور يا الوليد
وجزاك الله خير

صراحه ان ميزة هذا المنتدى انه للرجال خاصه

وانا شاهدت في اكثر النتديات ان العنصر النسائي

موجود بكثره وهذا مالم يتقبله كل رجل عنده غيره

وانا لا اؤيد دخول النساء لهذا المنتدى بتاتا

وهذا راي شخصي...

ولكم تحياتي..........

[ذياب المرشدي]

جزاك الله الف خير يالاسعدي

وانا اشهد بالله انك ماقصرت

والله يبارك فيك

[ابن فرحان]

الاخ الفاضل ..

الوليد الاسعدي .. بارك الله فيك يا الطيب انت وجميع الاخوه الافاضل الذين يئيدون
عدم مشاركة النساء مع الرجال في المنتديات وذلك حفاظا لهن قبل كل شئ واتقاء شرهن بعد ذلك ..
والحقيقة ان منتدانا فاز بهذه الميزة النادرة بين المنتديات ولله الحمد ..


الف شكر يا الاسعدي ,,,

[الوليد الاسعدي]

ابن مشيب
شكرا لك على حساسيتك وتحريريك للموضوع .. والله اني كنت متردد ، وقلت انقله كما هو... ولا يمزج البحر حبة سموم . والسموحة لمن مر على الموضوع قبل التحرير .

نهيان الحمادي
سعـد العصيمـي
طلال الثعلي
ذياب المرشدي
ابن فرحان
شكرا لكم على التعليق وهذا حسن الظن فيكم يامن بقى من الرجال .
ومعك حق يانهيان يوم قلت : و المنتدى هو واجهة القبيلة و مجالس القبيلة فكيف يجتمع رجال عتيبة مع نساء عتيبة.

[مقباس الغدرا]

اخوي الاسعدي

ياحب قلبي للغيورين اللي مثلك انت

والربع اللي في موقع الهيلااا

لكن اشوف الامور صايرن فيها انفتاحيه شوي

فيه اسامي حريم دخلن الموقع وهذا الشئ والله انه مهوب طيب

للموقع المحترم (الهيلا)

[نهار]

منتدى من احسن المنتديات لا نساء ولا شباب ساقطين

[أجود]