 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
|
|
أدوات الموضوع | انواع عرض الموضوع |
|
|
|
|
14-Feb-2008, 09:02 PM
|
رقم المشاركة : 1 | |||||||
 |
الذين يحبون أكل المطاعم تعال أقرأ هذا الموضوع وشاهد الصور
بسم الله الرحمن الرحيم الحكاية أنا عانيت من المطاعم عندنا بشكل عام وربما الكثير يؤيدني و شاهدت العديد من المطاعم وخاصة خلف الكواليس ؛ ورأيت مناظر مقززة والمشكلة الكبرى أن الزباين على ( أفى من يشيل ) ! سأذكر موضوعين ربما تعبر عن الكثير من المطاعم لدينا ؛ حصلت معاي شخصياً لقذارة المطاعم عندنا 1 / مطعم شاورما - طريق الملك عبدالله - الرياض :: طلبت شاورما وصفيت سرى مع الناس [img]  [/img]في العادة اللي يقص الشاورما يكون معاهـ فوطة ( ناقعة ) عرق كل شوي يمش (يمسح ) فيها رقبته ويشيل البطاطس و المخلل ويلف الشاورما كل ذا ( بأنامله ) اللي هي نفسها اللي مسح بها العرق بلا قفازات عموماً كل ذا قدام عيني ومشينا الموضوع بالرغم من القذارة اللي فيه المهم وأنا أنتظر دوري في الطلب ؛ راعي الشورما ( عطس عطسة مباشرة بإتجاهـ الشوارما ) بهذهـ الطريقة 7 7 7 7 7 وشاهدت الرذاذ متجه إلى الشاورما وكمل يقص الشاورما و كأنه شيء طبيعي اللي حصل أنا تقززت من المنظر هذا وكنسلت فكرة إني آكل لكن المصيبة أنه أول ردة فعل من الجمهور !! مواطن كان بجانبي وشاهد هذا الفعل المخزي قال لو سمحت 2 شاورما بس كثر من الشطه بليز وقتها انفجر رأسي من الصداع و كنت أحتاج بكت بندول! وطلعت من هذا المطعم و لم أدخله حتى هذا اليوم تخيل كل هذا شفته قدام عيني غير اللي ما شفته خلف الكواليس من تبهير للدجاج و تنظيفه و قصه ووووووو إلخ وأحياناً يجيك مطعم اتيكيت أو نظيف كما يقولون يلبس قفازات ( دسوس ) يقالنه نظيف لكن هذهـ القفازات هي نفسها يحاسب بها و يعد الريالات و يلف بها الساندويتش و يكلم بها بالهاتف و يحك رأسه بها و كأنها يداهـ طيب ليش لابس دسوس مدري ؟! 2 / مطعم بيتزا 5 نجوم في سوق غرناطة التجاري - الرياض وجدت عدد ( ذبانتين ) في السفن آب الذي يخص اختي الصغيرهـ ذهبت للسوبر فايزر و قلت له فيه ذبانتين في السفن أب أول شيء سواهـ عطاني سفني أب علب من الثلاجة قلت بس ؟؟ عطاني إيحاء ( يعني احمد ربك ) قلت فيه ذبانتين وتقولي خلاص ؟؟ ؛ المهم قلبتها فوق تحت قال لي يا أخي ( أتس سمول ) يعني صغار موب الحجم الكبير -ولا يضرن - قلت انا أختي كانت تبي تشربها ومادام ما يضرن أشربهن أنـت !! الحبيب بلعها بلع بما فيها وطفى مكينة الببسي عشان يسكتني وقال لي بنظفها وبعد خمس دقايق رجعت للمحل لقيت المكينة مشغلها ويبيع للناس وكأنه شيء لم يكن المشكلة أن هذه المطاعم طلعوا ملاين الريالات من ظهورنا و لا يعيروننا أي اهتمام وهي النظافة على أقل تقدير ولدي العديد العديد من المواقف هذهـ كانت أبرزها نرجع للمطاعم الثانية نشوف البلاوي اللي فيها نجد الكثير من المتزوجين أو العزاب يشرط على زوجته أو أمه إذا كان عزوبي بأن الشغالة ما تدخل المطبخ و تسوي الأكل و لا تلمس شيء بالمطبخ ؛ سوى غسيل الصحون فقط <-----<< وللأسف انا وآحد منهم بينما في الصباح إذا ذهب للعمل و بغى يفطر فول - ساندوتش - كبدة بأيدي العمالة الآسيوية لنلقي نظرة على عدد من هذه المطاعم التي تعد هذه الأصناف الرخيصة من طقة بوفية الشباب و بوفية الجامعة [img]  [/img]الشيف بنفسه يشرف على الطلبات في أقذر مكان بالأرض وفي العادة يكون هندي أو بنغالي [img]  [/img]لوو يدخل قطو المكان ذا انصرع واحنا يومياً نأكل منه ونطلع طاقين الابتسامة .....نقول وش ذا المطعم الزين خخخخ طيب في أحد في العالم يفطر عند ذا ؟؟ لا نظافة و يشيل الخبز ( الصامولي ) بيدهـ اللي ما فيه مكان ما حطها فيه والعالم والناس هواش عشان يظفرون بخبزة من أنامل هذا العامل (( وقصم بالله تصير دآيم وقدآم عيوني )) [img]  [/img]وهنا عمالة تسوي لكم الكبدة لمطعم يوحي بالوصخ [img]  [/img]ولأصحاب الفول أولاً:: ينظفون الجرة لكم كل يوم عشان يعقمونها طيب وين ينظفونها ؟؟ هنا 7 7 7 7 7 [img]  [/img]طبعاً أحياناً يكون خويه مزنوق يبي الحمآم فـ يمكن الطلب يتأخر عليكم شوي اصبروا أهم شي الفووووووول يجي و يكيفكم الله يكرمكم وين الزبالة أي واحدة فيهم !! 7 7 7 [img]  [/img]طيب نشوف اللي خلف الكواليس بعد أحياناً تجينا سلطة ؛ سمبوسة ؛ وغيرها نشوف السلطة ها هم يمردغون الخضروات بأناملهم و يقدمون لكم السلطة طازجة من المطبخ للزبون [img]  [/img]أمآ السمبوسة بالطريقة هذهـ الشيف ( جمع شيفة أو شيف ) متجمعون يلفونها لكم [img]  [/img]وذول بعد بنغل يمطرسون لنا ولكم [img]  [/img]خلصنا من الفطور !! نروح للغداى تبهير و تنظيف الدجاج للشاورما يمكن يخلطونه بصابون عادي في ناس تفرمها فرررررررم أصلاً في ناس الأكل عندها هواية [img]  [/img]العدة كلها موجودة بانيو سطلين يحطون فيه الدجاج والنظافة كما هي واضحة تعم المكان وكم مكنسة يمكن تستخدم لتنظيف الدجاج بعد إذا في شيء (عصلق) معاهم [img]  [/img]يضبط لك الكبسة اللي يحبها قلبك تقدم للزبون سلطة و دجاج و سمبوسة و صابون بالهنا و العافية أجزم أنك راح تتعشى ( مغذي ) بأحد المستشفيات أتعجب من الشخص الذي يرفض الأكل من يد الشغالة و هي أنظف على الأقل بمراحل من ذول العمالة ويأكل عند هالسباكين ذولاء يلبسون ملابس لونها برتقالي و من الوصاخه يقلب لونها أسود وبرضو ياكلون )) (( )) لا يجي أحد يقول مع النار و الشوي تموت الجراثيم ؟؟ هذا لو تغطسها في بركان ما ماتت عموماً في حالة أنك تسممت لألألألألألألألألألأقدر الله بلغ عليهم على هذآ الرقم على الطوارئ على مدار الساعة 940 حفاظاً على الصحة العامة خزن الرقم بجوالك داري ما عندك أحد بس من باب لعلّ و عسى ولأهل المنطقة الشرقية هذهـ اللوحة لقيتها بأحد الأسواق عندكم وصورتها [img]  [/img]بس لا تدقون على الجوال لأنه خارج الخدمممممممة موب مطفيه ولا مسكر خاااااااااارج الخدمة طيب ليش معلنين عنه!؟ يا خي دوام الحكومة فلللللللللله طيب سددوا من الغرامات التي تجيكم بالهبل واللي يبي يدق على الجوال سدد جوالهم بعدين دق عليهم أحد الزملاء سبق وأن عمل معهم يقول الشكاوي لا تقتصر على المطاعم الصغيرة بل مطاعم كبيرة و فنادق تصنف 5 نجوم و العذر و السموحة إذا الموضوع قرفكم لكن هذه هي الحقيقة المرّة والسلام عليكم ورحمة الله وبركآته للامانه منقول
|
|||||||
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض الشجري