بسم الله الرحمن الرحيم
تكفون ياعتيبه الهيلا لاتبخلون على ولد عمك بالتصويت خالد شاعر متمكن وعنوان للشعر الحقيقي يحتاجكم في هذه الفتره بالذات يبغى نصرتكم واذا ماصوتوله مين بيصوتله وقفتكم واجبه عليكم ولالكم معروف على ولد عمكم وانا والله اعتب على الي يطلبون من خالد الانسحاب من البرنامج لاكن الفارس اذا انسحب من الحرب ماهو بفارس وشاعر المليون مثل الحرب واذا انسحب الشاعر يعتبر خوف,,, واجه الريجيل بكل قواك والي يجي من الله حياه الله....
أحببت ان اقدم لكم هذه القصيده الي كتبتها بعد حلقة المليون البارح
ياعتيبه عزوتي لاضاقت الدنيا عليه=ياهل الطلات وأهل الطيب والراي السديد
ياهل الوقفات وأهل الصيت وأرجال الحميه=يارجالن سطر التاريخ ماضيها التليد
ياهل الحره وأهل مكه وأهل نجد العذيه=ياعتيبه كلبوكم من قريب ومن بعيد
أبتدا زرق الرماح وقامت الحرب القويه=وأشتغل صوت الرصاص وفاضت بحور القصيد
شاعر المليون هذا مثل حرب الجاهليه=وأنتم أهل النصر وأهل العز والباس الشديد
فارس الهيلا دخل فالحرب خيال العبيه=خالد محمد عسى عمره على الطاله يزيد
تعرفونه ياعتيبه فاللقاء مافيه زيه=لانوا فالدرب يصمل في طريقه مايحيد
ناوي البيرق ويعرف بن هالنيه مطيه=وينظر بعينه لربعه خابر حزامه جويد
افزعوا فزعة عتيبي شايف الظيم بخويه=وانصروا شاعر عتيبه لاتخلونه وحيد
ينتظر منكم دعم من طيب قلب وطيب نيه=مايبا ربعه على شانه تمن اله الرصيد
اتمنى ان اكون اجدت فيها وعبرت عن شعوري تجاه ولد عمي
اخوكم ...ابراهيم خلف الزراقي العتيبي
آخر تعديل ابراهيم الزراقي يوم 13-Feb-2008 في 07:52 AM.
« آخـــر الـــمـــشـــاركــــات »
13-Feb-2008, 07:42 AM
ياهل الحره وأهل مكه وأهل نجد العذيه ......قصيده
العرض العادي
