احبتي اضع بين يديكم هذه القصيده والقصيده المؤثره ..

[عبدالرحمن الهيلوم]

السلام عليكم ورحمة الله وبركاته

رحماك يارب

اللهم لاتواخذنا على تقصيرنا في جانبهم.

ويابخت اللي يقدر يعوض هذا التقصير فيهم قبل فوات الاوان..


احبتي اضع بين يديكم هذه القصيده المؤثره ..

هذي قصيدة واحد..سوى حادث و كانت معه امه في السيارة

و توفيت الام من سبب هذا الحادث والولد ما صار فيه شي

الا بعض الجروح الخفيفه




فتمثل بهذه الابيات التي تحكي شدة الصدمه

والم الحسره ,,,




***********



يواسيني ونا الميت وحالي يجبر الدمعات

تسيل من الذي فيني ويبكي وهـو يواسينـي

وانا ابكي واتنهد وارسـم بالحـزن لوحـات

يجبروني عشان امشي ورجلي مـا تمشينـي

قتلت رعايتي بيدي قتلت الحـب والرحمـات

حرمت النفس من حقها وانا ابكيها وتبكينـي

وكنه حلم قدامـي يقيدنـي مـن الصرخـات

ابي اصحى ولكني عجزت القى ال يصحيني

فداك القلب يايمه ومهمـا قلـت مـن كلمـات

صغيره في كبر حقك بس اتمنـى تعذرينـي

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فينـي

تجول عيونهم فينـي تفصـل منـي قياسـات

وتشيح وجوههم عني وكنـي غيـرت دينـي

يظنوا حزنهم اكبر وهـم اصحـاب هالمأسـاة

وانا اتحدى اذا فيهم ربع مـا يحتـرق فينـي

نقص قدري بعد موتك وغابت نشـوة اللـذات

وصـار الهـم عكـازي اباكيـه ويباكينـي

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفينـي

يايمه ارجعي كافي ابجلس معك لـو لحظـات

واقبل ايدك ورجلك وافرش لك رمش عينـي

يايمه ما تحملهم يقولوا فـات مـا قـد مـات

تعالي غيري هالقول واطيعك باقـي سنينـي

واترك عادة التدخين وانفذ مـا تبـي بسكـات

واصلي الفجر في المسجد قبل منتي تصحيني

يايمه ارجعي تكفين وطفـي شمعـة الآهـات

ابيك انتي ولا غيرك علـى موتـك تعزينـي

وضميني وداويني مثل مـا كانـت الهقـوات

ما ابي احدن يواسيني ابيك انتـي تواسينـي

دخيلك بس لا تبكي اذا شفتي بـي الدمعـات

انـا مقـوى ابكيـك اذا انـتـي تبكيـنـي




ولكم كل الشكر والتقدير ..

وحفظ الله والدي ووالدتي وأعانني على إرضائهم