قمة الابداع ودروس مجانيه (فهيد الروقي وعبدالله بن صنعا العاطفي)

[عبدالرحمن الهيلوم]

يكفي ان اقول عملاقه



السلام عليكم ورحمة الله وبركاته



إقتباس:


المشاركة الأصلية كتبت بواسطة فهيد الروقي







سلام الله سلامٍ يفرق الدله عن البراد
سلامٍ يزعل الجهال والعراف يرضيها
يابن صنعاء بعد مالله جمعنا ثالث الأعياد
نبي ناخذ علومك والعرب ماعندنا فيها




إقتباس:

المشاركة الأصلية كتبت بواسطة عبد الله بن صنعا العاطفي







اليامرحبا بك وانت لك بين الرجال اشداد
ولك عزوه لها تاريخ حاضرها وماضيها
علومي قام حضي ياعميلي والثياب جداد
ولاكن الرعيه علمها فيدين راعيها





إقتباس:

المشاركة الأصلية كتبت بواسطة فهيد الروقي







ياعبدالله وانا وياك فالمصدار والميراد
وردنا العد يابوعزوةٍ تعرف باأساميها
لقينا يوم جيناكم مية قصاده وقصاد
وقفينا وبقعا خشمها من بين رجليها




إقتباس:

المشاركة الأصلية كتبت بواسطة عبد الله بن صنعا العاطفي







تواجهنا على وضح النقا صدفه بلاميعاد
عسى ربي يزينها عسى ربي يسويها
انا بنشدك عن ذاك البعير الي بدون قياد
ترك ذيك الجمال مفليه باقصى مفاليها





إقتباس:

المشاركة الأصلية كتبت بواسطة فهيد الروقي







تقابلنا بلا موعد ولاكن للفضاء رواد
توجه للفضاء دام العرب في حكم واليها
بعير البدو روح يابن عاطف واشغل الأجواد
اضنه عاف مرحان البدو ماعاد يبغيها




إقتباس:

المشاركة الأصلية كتبت بواسطة عبد الله بن صنعا العاطفي







ترالابد صيادالفهود من العرب ينصاد
ترا هاذامثل والنارتحرق رجل واطيها
بعير البدوقفا واتعب المذهب مع النشاد
شفوفه من يحصلها جروحه من يداويها





إقتباس:

المشاركة الأصلية كتبت بواسطة فهيد الروقي







زرعت الزرع لاكن جاء للزرع العاطفي حصاد
وانا خابره قبل اليوم ياخذها ويعطيها
بعيرك راح وعلوم المجالس مالها طراد
تهرج وان لقيت اهل المواقف لاتوصيها




إقتباس:

المشاركة الأصلية كتبت بواسطة عبد الله بن صنعا العاطفي







زرعت السم فكبود العداغيض وغظب وعناد
عيون عداي في مبداي بكحلها وابعميها
تغير وقتنا ياذيب بلهجري والبلميلاد
ولاكن السعيد الي صلاته مايخليها





إقتباس:

المشاركة الأصلية كتبت بواسطة فهيد الروقي







ابن صنعاء يدس السم للظيوفه بوسط الزاد
وهو لاحصل اللقمه ضيوفه مايناديها
اانا اقول العلوم الضايعه ماتصنع الأمجاد
توصي بالصلاة وفالمساجد ماتصليها




إقتباس:

المشاركة الأصلية كتبت بواسطة عبد الله بن صنعا العاطفي







نويت اصبحك واذكرك بالليل والمهجاد
ابذكرك القضيه والقضيه عند قاضيها
انامومن ولاصدق كلام الشرك واللحاد
اذاجت للكاعه والله انك ماتمشيها





إقتباس:


المشاركة الأصلية كتبت بواسطة فهيد الروقي







على قول المثل هرج المغفل يدبل الأكباد
يغث الناس واحقوق الصداقه مايراعيها
يابن صنعاء مالومك لوسكنت بلاد عقب بلاد
لكن عود على ديرتك واسكن في مبانيها




إقتباس:

المشاركة الأصلية كتبت بواسطة عبد الله بن صنعا العاطفي







اناماهمني فلوقت لاعاذل ولانقاد
اوردها واصدرها واسرحها واضويها
اشوف البرق في عرض السماواوحيت لي رعاد
عسا نجد العذيه ذالزمان يسيل واديها