(( دارين قولي للسماري .. لايضيق ولا يسال // شاطي الراحه !!!!!!!

[خالد المقاطي]

السلام عليكم ورحمه الله وبركاته

في البدايه احب ان اقدم .. هذا القصيده المتواضعه .. وهي مجارات للشاعر ( عبدالله السميري )


ونحن لسنا الا .. نقطه في بحر ابداعاته .. وهي عباره عن هيجان قريحه

وغضب من اللجنه المؤقره


/ /


/ /


/ /

الفكر في راسي شعر .. والشعـر ضـرب مـن الخيـال =مـن راسـي لبطـن الـورق واردف لـهـا موالـهـا
افـك سجـن المفـرده ياليـن تطـلـع مــن خــلال =مابـيـن اقــواس الظـلـوع .. دقاقـهـا وجلالـهـا
اسـرج لمعناهـا فـرس .. والْبـس الفـكـره عـقـال =وانـوخ ظلوعـي واشيـل مــن الحـمـول ثقالـهـا
( من منطلق ) خذ ماتبي .. وارقى علـى راس الطـوال =( والنـار مـن شبابهـا والخـيـل مــن خيالـهـا )
يانـار شبـي فـي ظلـوع الجهـل .. لا كبـر بــلال =صـار المجامـل والتغطـرس .. حطـهـا واشتالـهـا
نصبـر بمنطـوق الادب .. والصبـر عـدانـا وطــال =هـذا يناظرهـا .. وهــذا مــن جـهـل يبرالـهـا
ياشاطـي الراحـه .. تـرازم فوقـك بـروق الخـيـال =تمطـر عليـك افـواج .. والاصـوات جـار ارسالهـا
من نجد .. وحدود اليمن .. من غرب .. وايضا من شمال =ثـارت مزونـن برقـهـا يشـعـل بـوسـط خيالـهـا
كلـه لعينـك يالسمـاري .. مايـجـي فيـهـا مـجـال =كويتـنـا .. والمملـكـه .. بسهـولـهـا وجبـالـهـا
لو يرتفع سعـر الذهـب .. لـو يرتفـع سعـر الريـال =حـنـا لـهـا فـالاولـه والتالـيـه حـنــا لـهــا
داريـن .. قولـي لربـع ان كانـهـا سـاحـه قـتـال =اطـش مـن دون السمـاري .. غتـرتـي وعقالـهـا
حنـا عتابـه .. كاعميـن الـضـد ذريـبـن الفـعـال =قبيلتـن ربـي جـعـل فــوق القمر .. منزالـهـا
ببدى بمنطـوق العقـل .. وابعـد عـن دروب الهبـال =فـي كلمتـن .. بيـن الظلـوع اتشـدنـي واسعالـهـا
لـو مابـه عتيبـي .. يشـارك ماحصدتـو راس مـال =اقولـهـا والـنـاس قبـلـي ياكـثـر مــن قالـهـا
داريــن قـولـي لسـمـاري لايضـيـق ولا يـسـال =حـنـا لـهـا فـالاولـه والثانـيـه حـنــا لـهــا

وسلامتكم

[قوي العزوم]

نصبـر بمنطـوق الادب .. والصبـر عـدانـا وطــال
هـذا يناظرهـا .. وهــذا مــن جـهـل يبرالـهـا
ياشاطـي الراحـه .. تـرازم فوقـك بـروق الخـيـال
تمطـر عليـك افـواج .. والاصـوات جـار ارسالهـا
من نجد .. وحدود اليمن .. من غرب .. وايضا من شمال
ثـارت مزونـن برقـهـا يشـعـل بـوسـط خيالـهـا
كلـه لعينـك يالسمـاري .. مايـجـي فيـهـا مـجـال
كويتـنـا .. والمملـكـه .. بسهـولـهـا وجبـالـهـا
لو يرتفع سعـر الذهـب .. لـو يرتفـع سعـر الريـال
حـنـا لـهـا فـالاولـه والتالـيـه حـنــا لـهــا
داريـن .. قولـي لربـع ان كانـهـا سـاحـه قـتـال
اطـش مـن دون السمـاري .. غتـرتـي وعقالـهـا
حنـا عتابـه .. كاعميـن الـضـد ذريـبـن الفـعـال
قبيلتـن ربـي جـعـل فــوق الـثـرى .. منزالـهـا
ببدى بمنطـوق العقـل .. وابعـد عـن دروب الهبـال
فـي كلمتـن .. بيـن الظلـوع اتشـدنـي واسعالـهـا
لـو مابـه عتيبـي .. يشـارك ماحصدتـو راس مـال
اقولـهـا والـنـاس قبـلـي ياكـثـر مــن قالـهـا
داريــن قـولـي لسـمـاري لايضـيـق ولا يـسـال
حـنـا لـهـا فـالاولـه والثانـيـه حـنــا لـهــا


الله الله
ابيات في غايت الجمال
لله درك لله درك
صح اللسانك

[السميــــــري]

داريـن .. قولـي لربـع ان كانـهـا سـاحـه قـتـال
اطـش مـن دون السمـاري .. غتـرتـي وعقالـهـا
حنـا عتابـه .. كاعميـن الـضـد ذريـبـن الفـعـال
قبيلتـن ربـي جـعـل فــوق القمر .. منزالـهـا

المقاطي ..
وش هذا الأبداع !!

صح لسانك .. يامبدع ..
ماشاء الله عليك ..

بس تراني غيرت من (الثرى ) الى (القمر)
وش رايك

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[عبدالرحمن الهيلوم]

صح السانك يالغالي

[جميل السميري]

عليكم السلالالام ،،

أرحب أرحب يا بو فيحان

بيض الله وجهك على هـ الجزله ولا هي غريبة جزله من راس جزل

صح الله لسانك وبيض الله وجهك

وانتو كفو لها مثل ما قلت

لا خلا ولا عدم

[عبداللــه الأسعــدي]

«®°·.¸.•°°·.¸¸.•°°·.¸.•°®»صح لسانك مشكوور وماتقصر«®°·.¸.•°°·.¸¸.•°°·.¸.•°®»

[فهد رشيد الزلامي]

صح لسانك
وبيض الله وجهك

[فيصل بن دحيم]

صح لسانكـ وكفو يالمقاطي

صح لسانكـ مدد بلا عدد

[صقارنجد]

صح لسانك ياالشاعر
بيض الله وجهك

[محب الهيلا]

صح لسانك والله انك ماقصرت واحس انك اشفيت شي

من الغل اللي في كبدي

بيض الله وجهك واللي يقدر يقول شعر يقول وينشره