يا طوني ولد محماس احييك واحيّ الرجال

[رعد الروقي]

يالربع انا قريت بيوت لشاعر يتحدى قبل شوي وحبيت استفيد منه

استلم يا ابن محماس :

يا طوني ولد محماس احييك واحيّ الرجال=لو ان اسم ابوك مخالف اسمك وعندك لكلكه
بنيـــــت البيوت وكل واحد من بيوتك لحال=ولا ادر انت من لبنان والا من اهل المملكه

[طوني محماس]

اهلين واللحن معروف ومشهور اللي انت قريته

يدوم البقا لك ولعتيبه كريمين السبال=وطوني معه تبطون والخصم خشمه يفركه
بحكم العليمي مااعترف لو حكم يابن الحلال=وانا ديرتي من نجد واعلى قراها مدركه

[رعد الروقي]

تبا تبطي انته عظم تحت الرمي والاحتلال=بعد جبت راسك لين حطوه في وسط شبكه
بياله من البراد ماهي مثل كيف الدلال =وش اللي معك تحتال به وانت فالبحر سمكه

[معجب العتيبي]

طوني والعمده

لاشك ان الطاروق سيكون ذو شجووووووووووووووون

سجلوني متابع وبترجم بينكم هههههههههههه

اجنبي وعربي

[طوني محماس]

صقور الفضى تشبك وتفرق صحيح عن الرخال= لكن اعتبر قدام راسك نحطه في اشركه
معي مرودٍ يكحل عيونك بمسحوق الدلال=وسيفٍ حدب للي سلك في طريق التهلكه

[طوني محماس]

هلابك ياسرح البااااااااااال
وانتظرو المفاقآآآآآآآآآآآآت القادمه

[رعد الروقي]

اشوف الحويّر ضايق الصدر من هاك الجمال=وفكره يخيّــل له جزافاً يسوي معركه
تشيل الســــــلاح وينوخذ منك لاحان القتال=يابو قلب حامل حقد مدفون مافيك بركه

[رعد الروقي]

تكفى يا سارح الترجمة وانا اخوك

ههههههههههههههههههههههههه


حياك الله

[طوني محماس]

تسم الرخال إجمال وهيه تشرك في الحبال=مفاهيم معكوسه وناسٍ تحب الشكشكه
اشيل السلاح (اومثلك) إيذل من رفع العقال=ولاهوب بارد غل من فوق راسه يسمكه

[عبدالله الجـــذع]

الله عليكم ..

واصلو ...

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا