عطيتيني بدون حساب ولا سمعتك تقولي هات

[عبدالرحمن الهيلوم]

السلام عليكم ورحمة الله وبركاته

هذي قصيده قرأتها في منتدى مأرب ........فأحببت أن أنقلها لكم لروعتها ولأخذ العظه ألعبره منها.

وهي أن شاب كان مسرع بالسيارة ومعه والدته وصار عليهم حادث (الله يحفظنا و إياكم)

أمه للأسف انتقلت لرحمة الله وهو إصابته كانت جدا بسيطة

فكتب هذه القصيدة يرثيها:


يواسيني وأنا الميت وحالي يجبر الدمعات
تسيل من الذي فيني ويبكي وهو يواسيني

وأنا ابكي وأتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانأ ابكيها وتبكيني

وكنه حلم قدامي يقيدني من الصرخات
أبي اصحي ولكني عجزت ألقى إل يصحيني

فداك القلب يايمه ومهما قلت من كلمات
صغيره في كبر حقك بس أتمنى تعذريني

نهبت الفرح من بيتي صحيح إني خسيس الذات
صحيح إني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم أصحاب هالمأساة
وانأ أتحدى إذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي أباكيه ويباكيني

عطيتيني بدون حساب ولا سمعتك تقولي هات
وأنا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول وأطيعك باقي سنيني

واترك عادة التدخين وأنفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
أبيك أنتي ولا غيرك على موتك تعزيني

وضميني وداويني مثل ما كانت الهقوات
ما أبي أحدن يواسيني أبيك أنتي تواسيني

دخيلك بس لا تبكي إذا شفتي بي الدمعات
أنا مقوى أبكيك إذا أنتي تبكيني

مشكورين يالغالين
فالكم طيب ولا اوصيكم في حلوووة اللبن

((ابوداحم ))