يالفالح اللي تواعدنا وتنحاش

[سعود العصيمي]

ابو فلاح مسيك بالخير يابن العم واستلم

يالفالح اللي تواعدنا وتنحاش = طبيعتك ذي وشهي من طبيعه
خابرك راعي صمايل مانت ابلاش = والطيّب اليا شريته ما تبيعه

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[سلطان الجـذع]

ياسلام عليك ...اثره منحاش

صح لسانك ياابو طايل ولااوصيك دقق الحسابات معه

زين

[سعود العصيمي]

ارررحب يالاسطورة

اررررحب


مرورك يسعدنا

تحياتي

[بندر المرشدي]

سعود العصيمي



صح لسانك أثر الفالح علومه علوم..



وصح لسانه مقدما

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه

[علي الثبيتي]

الله الله
صح لسانك يابوطايل
ياكثر الدعاوي على الفالح
وصح لسانه مقدماً

التوقيع

ماني بلا روقي ولا برقاوي = انا ثبيتي جد روق وبرقا

[سعود العصيمي]

هلا وغلا


يابندر


وصح بدنك

وانا والفالح بيننا مداهنات والغاز سريه


ههههه

تحياتي لك

[علي فلاح العضياني]

ما انحشت واللي يغطّ الحق لاعاش=يا سعود وش بك تسوّي هالصنيعه
ماني مداينك اخذها يا اجودي كاش=حنّا رجالٍ مواقفنا شجيعه

التوقيع

(( رأس الحكمه مخافة الله ))

[علي فلاح العضياني]

سلطان الجذع



بندر المرشدي



النشمي




مشكورين على المرور الرائع بحقّ

[سعود العصيمي]

ههههه

ابو فلاح والله ان معي محاورة ثانيه تأخرت انت ماريت وطلبني شاعر ثاني

استلم والله يعين عليكم

انكنت غشاش انا ماني بغشاش = لكن علم تقوله سد ريعه
العين وشلونها من دون الارماش = ياللي شريت الذهب مدري تبيعه

[عيد العازمي]

واصلو الابداع لاهنتو وصحت السنتكم


متاااااااابع

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي