((من ابداعات ابناء الهيلا ملوكوسلاطين الشعر ))
الشاعر //عبدالله المقاطي العتيبي
انا شاعر وأهوجس وألحق الهوجاس بالهوجـاس هواجيـس الشعـر وبيوتهـا دايـم علـى بالـي
بيوت الشعر يحفظها القلـم والحبـر والقرطـاس وأنا شاعـر وإلـي قـدري وتقديـري ومنزالـي
واقول أكبر خسارة لو فقدنـا الطيـب والنومـاسعسى فال الكرم والطيـب والنومـاس مـن فالـي
أشوف الوقت متغير واشوف الناس عكس النـاس ابنشدكـم صحيـح العلـم والا انــا يـورالـي
تهاويلٍ يشيب الرمش منها قبـل شيـب الـراسولا شيب شعر رمشي وراسـي غيـر الأهوالـي
تمـر الاولـه والثانـيـه والثالـثـه لا بــاس لكـن الرابعـه يتعـب بهـا رجلـي وخيـالـي
وانا رجال أحس ودايـم الرجـال فيـه إحسـاس من العصر القديـم وباقيـه فـي وقتنـا الحالـي
صقور الجو فيهـا الحـر والشيهـان والقرنـاس وانا مبداي مبـدا الصقـر راس المرقـب العالـي
أدوس الموت ما اخشى الموت والرخمه عساه يداس عسـى الله لا يبقـي للـرخـوم أول ولا تـالـي
وجيه اهل الفلس ياليت من يكتب عليهـا افـلاس ويكتـب فـي وجيـه الطيبيـن الطيـب الغالـي
صحيح ان البشر ماهي سوا والله خلقهـا اجنـاس خلق فيها البخيـل وفيـه مـن للضيـف مدهالـي
وبيـت البخـل مالـي فيـه لا لـده ولا مجـلاس أعيش بعيد عن بيت البخيل اخيـر واشـوا لـي
يا طارق قوم وانا بوك جيـب البـن والمحمـاس وقـدم لـي مـن البـن المهيـل نـص فنجالـي
تراك من الرجال أهل الوفا اللي يرفعـون الـراس وانا رجـال وانتـه صيـر مثـل ابـوك رجالـي
وعزَّ الدين وانا بوك تـرا الديـن عـزَّ السـاس وما يبنـى بليـا سـاس فاقـرب وقـت ينهالـي
واخذ عبرة وشوف اللي حصل لكليب من جسـاس غدربـه واطعنـه بالرمـح واليـا الـدم شلالـي
نهاية من عقد صحبه مع انـذال البشـر ينحـاس ما يلقى الا النذالة والـردى فـي دروب الأنذالـي
وفيهم من يشـب النـار ويشـب الفتـن مقبـاس يلالـي والمهبـل مـن غباهـا مثـلـه تـلالـي
وانا اقيس العلوم وفيه بعض علـوم مـا تنقـاس حقيقـه مـا تغيـر ثابتـه ومسـجـل اقـوالـي
مسجلهـا وباعلنهـا وتنشـرهـا وكـالـت واس عبر كل الصحف تنشـر خبـر علمـي ومبتالـي
ويازين الصاحب اللي صحبته مثل الذهب والمـاس عساها من نصيب عيـال قـوم الطيـب وعيالـي
وبختمها بذكـر الله عـدد مـا ذعـذع النسنـاس وعـدد مـا لاح بـرَّاق الحيـا وانهـل همـالـي
على خير العبـاد محمـد المختـار خيـر النـاس شفيع الخلق يوم الحشـر بامـر الخالـق الوالـي
لشاعرمن اعتيبة الهيلا ((عبدالله المقاطي ))
« آخـــر الـــمـــشـــاركــــات »
12-Jan-2008, 12:49 PM
نهاية من عقد صحبه مع انذال البشر ينحاس
العرض العادي
