قصيدة - الذيب - للشاعر بدر بن عبدالله الخالدي

[سلطان عايض]

السلام عليكم ورحمة الله وبركاته
مساكم الله بالخير جميع قصيدة الشاعر بدر بن عبدالله الصبيحي الخالدي بصراحه قصيدة رائعة وحبيت انقلها لكم وأتمنى أن تنال إعجابكم وأعذروني إذا كان الموضوع مكرر لأن خاصية البحث في المنتدى ما تضبط معي وأتركم معها ،،،

البارحه والجوع مس الذيـب يـوم انـه يعـوي=علـى سنـام طويـق والقمـره وراه بليتـهـا
اخايلـه واقـول واعـزي لحالـك يالـقـوي=اللي تنقـى فـي سمـان الفطـح لا مـن جيتهـا
واللي باساميك يتقلدهـا الخـوي مـع الخـوي=والعرب تبديـك التحايـا وانـت مـا حييتهـا
واسمك على النخوه يعد وكل روس(ن) تشتـوي=والوجبـه الحيـه تعشاهـا وتـتـرك ميتـهـا
الجوع لو يدفعك للمـوت الذحـاح المستـوي=حشمت نفسك عـن عظـام الحرجـه وخليتهـا
ودامك طليق(ن) ما قهـرك المعتـدي والمهتـوي=وخطاك مـن دون المغـازي مـا بعـد سجيتهـا
يا ذيب يا ذيب الخلا اللي ليلك يـروح سـروي=مـا بيـن مرحـان الشواويـه ليـا عشيتـهـا
يا موجل(ن) قلب حضري يا موجل(ن) قلب بدوي=ياللـي تشيّـم خـوة الرجليـه ان خاويتـهـا
عامر خوي الذيب في عصـر الفـوات المنطـوي=وقصتك فـآذان العـرب واليـا طـرت لبيتهـا
نحر ذلول(ن) مـن وصايفهـا شحمهـا مرتـوي=لعيـون خوتـك الفريـده والبقـا فـي صيتهـا
يا ذيـب يكوينـي قنيبـك لا توحّيتـه كـوي= على غشـاش الكبـد والخطـوه عمـد رديتهـا
مدري غبى مدري ذكى مدري تسـرع فوضـوي=لكن خطواتـي علـى الهيبـه مـا قـد ضريتهـا
ياذيب عزك في زمان السيف مـن قبـل يهـوي = وقبـل زمـان العولمـه للـنـاس وآتيكيتـهـا
وقبل يغيـب المنطـق الحسـي ويبقـى المعنـوي=والغيـره تـوزع تجمّعهـا عـلـى تشتيتـهـا
وقبـل النوايـا المستقيمـه ماتعـاج وتلـتـوي=والناس تمشـي فـي تعاملهـا حسـب توقيتهـا
يا ذيب مدري كيف ابوصف حالتـك يالمنـزوي=والهاشميـه فـي طـرف عيـنـي ولا دنيتـهـا
لا جيث ابرثي حالتك ضـاع الكـلام اللغـوي=والمفـردات اللـي تجملـنـي لـيـا عديتـهـا
والهاجس اللي كل مـا فليـت حويـه ينحـوي=وافكـاري اللـي تتعـب الخافـق ليـا هليتهـا
واخاف لا تكمـل وينحـاك النزيـف الدمـوي=وابقـى علـى قـول المثـل خميتهـا واخطيتهـا
ياذيب واقنب خل صوتـك يـدوي العالـم دوي=مـادام خانتـك الظـروف الله يخـرب بيتـهـا

[/size][/color]

[مشاري]

الشاعر هذا اتوقع الحلقه القادمه يتأهل مباشره من اللجنه


شاعر مميز


تحيتي لك

[فهد سعد العتيبي]

[movet=right][B]عافاك الله ياسلطان وبيض الله وجهك على النقل

وانا اشهد ان هذا الخالدي شاعر مب بسيط

ويليت الي عنده معلومات عن هذا الشاعر انه يفيدنا

وهل هو صحيح على حسب ماسمعت انه ساكن في ساجر[/B][/movet]

[هامان]

نعم ياأخ فهد , بدر الصبيحي من سكان ساجر

[سلطان عايض]

مشاري ،، فهد بن سعد ،،، هامان لا هنتوا جميع وشاكر لكم مروركم وننتظر ماذا سيقدم الشاعر في الحلقة القادمة وبالتوفيق للجميع

[عمر المغيري]

انا اجيز الشاعر
وارشحه بدون ارسال رسالة
في هذه القصيدة تحدث الشاعر عن همومه التي تكالبت عليه حيث المعاناة من قلة ذات اليد
فهو يقارن بين قوته السابقه وضعفه الحالي وما يتصف به كشاعر
بقوة في الاسلوب وسيطرة على الكلمات وما يواجهه من تحزم في
الفكرة والتجربة الشعورية
انا اجيز الشاعر بقوة واتمنى له التوفيق ولوكنت عضوا في اللجنة
لخترته للانضمام لمرحلة الاربعة وعشرين
انا اهني الشاعر وشكرا على الكصيدة

[بـرق‘ـآ وَالس‘ـمـآ زرق‘ـآ]

وانا كذلك اتوقع لــه التأهيل الحلقه الجـآيه ..
فآله التوفيق

ولآهنت يآسلطـآن

[فهد سعد العتيبي]

الله لايهينك ياهامان على المعلومه وتاكيدها انه من ساجر واحب ازودك من الشعر بيت ان خواله عجمان وانه شغال بعد في جمارك البطحاء

[عبدالله بن دبيس العتيبي]

بسم الله الرحمن الرحيم

السلام عليكم ورحمة الله وبركاتة


مشكور ياخوي هامان على القصيدة الرائعة


صح السان الشارع بدر الخالدي ماشاء الله عليه شاعر وانا اتوقع انه يتاهل وان شاء الله ينتصر الشعر ويفوز هذا الشاعر والا شاعر اخر جزل بالبيرق




وتقبلوا تحياتي

[عبدالله الجـــذع]

مافيها كلام متاهل متاهل .

ماشاء الله عليه شاعر بمعنى الكلمه.

يعطيكم العافيــه..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا