عبد المجيد سعد :: بن ممخور ::

[:: بن ممخور ::]

أخواني هذه مختارات من قصائد الشاعر عبد المجيد سعد بن ممخور


( شاعر الكل )

مال الشعر غيري وانا شاعر الكل =في عالم الاشعار حطمت الارقام
لو اطلع بليله دخل فيهم الذل = ومافيه عينٍ لا طلع بدري تنام
ياطوال انا ماني على داركم حل = ومابغى اكون اليوم شاعر بالاعلام
لاصار طول القام ماطول الضل =وش لي بطولي دام انا عم الاقزام

( كريمات الاحجار ) قصيده في الامير محمد الاحمد السديري

الشعر بيتٍ في خيالك تقيمه = اساسه المعنى وتبنيه الافكار
بيتٍ من بيوت الزمان القديمه = تاريخ يبقى للمسامع وتذكار
وان كان تبغى للمعاني حشيمه = فتش وتلقى في ملفات الاحرار
للشاعر اللي يستحق تعظيمه = قصايده غيمه كريمه بالامطار
امير عز وعزه الله يديمه = محمد الاحمد كما ضلع سنجار

( وين الموت )

يارب وين الموت قله يجيني = برتاح من دنيا العنا والغرابيل
ماعاد ابي دنيا تبيح كنيني = لمقاومة دنياي ماعاد بي حيل
فيها طموح وزعم يسبق سنيني = ولا هيب تقنع في قليل المحاصيل
وانا القشر ياخالقي مهتويني = من صغر سني وانا بهم وتعاليل

وسلامتكم

بانتضار قصائد نبراس الشعر مشعل الممخور وقصائد عبد المجيد

اطيب تحيه