جهز الهرس

[الصميدع]

[poet font="Simplified Arabic,4,black,bold,normal" bkcolor="tomato" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياالله ياقابل صلاة المصلي= اطلبك ياالله لا تخيب رجايه
ياواحد(ن) فوق العباد متعلي=ليا دعيت اطلبك تقبل دعايه
واستغفر ياالله قدام ازلي= انت الذي تعلم خطاي وقدايه
من الخطا مااخطيت لو ربع ملي=ولا اخبر حدن جاء يشتكي من خطايه
وبعض العرب لو سبني مدحتلي= وبلعكس مدحه يعتبر من ردايه
تراه لو يسبني شاهدلي= السب من عنده دليل الوفايه
وبعض العرب يابجاد ثورن مفلي=ماهمني لو يعترض في نحايه
راسي رفيع ورفعته عادتلي= انظر قدم ويمين ماانظر ورايه
من صد عني قلت جعله يولي=لا ناشدن عنه ولا ني بجايه
قربه مرض قلبي وبعده ادولي=البعد عنه داوي والقرب دايه
لو شربت الماء عند شخصا مغلي=ماني بجايه لو اموت بضمايه
لو كان يفرش لي على الدرب زلي=تراه عندي مايساوي حذايه
رفيقي اللي يوم اجيله يهلي=يفرح ليا جيته ويحمى قفايه
وياقف على يمناي فالماقف اللي=شره يعم ياالله منه الكفايه
في ماقفه صامل ماهوب متخلي=ليا جنب المقرود درب الهدايه
وجر السبب مقرود والشر حلي=غصبا على العاقل ماهوب الهوايه
وواقف له المسطور والاش ذلي=ماحصل الا خيبتن فالبدايه
والبرق يبرق والسحابه تهلي=والسيل دم اللي يبين ارتكايه
من دون ربعه مثل حيدن مطلي=من قو فعله يسمعون اعتزايه
والهوش حامي يوم كلن يدلي=والله وعلم ويش تال النهايه



الشاعر جهز مسيمير الهرس
[/poet]