سارح البال استعد

[ناصر المرشدي]

سلام رديةٍ منّي تعم الجميع=ماهيب لحد اعن احد ماهيب لحد اعن احد
ياسارح البال ابا خذ معك قافن سريع=خلك معي مستعد خلك معي مستعد

[معجب العتيبي]

يامرحبا قلتها والبال معكم وسيع=شوفتكا فيها سعد شوفتك فيها سعد
السرعه تسبب الحادث ويصبح شنيع=هات الخبر ياولد هات الخبر ياولد

[سلمان الروقي]

الله الله

صح لسانك ياناصر

صح لسانك ياسارح

متابعين لكم...

[السميــــــري]

ناصر ..
صح لسانك يامبدع ..

سارح البال ..
صح لسانك يامبدع ..

نتابع

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[بندر المرشدي]

ناصر الله حيه نورت المنتدى



سارح البال وش في معرفك تكهرب الظاهر السبب ناصر




صحت السنتكم ...متابعين لثنائي عالمي

[ناصر المرشدي]

ماكنت احسب الهقاوي في دقيقه تضيع=وانا حسب انك سند وانا احسبنك سند
في غيبتي كم واحد سل سيفن بتيع=وانته تشوف وتصد وانته تشوف وتصد

[معجب العتيبي]

سلمان الروقي ياهلا ورحب وصح بدنك

السمـــــــيري مرحبا مليون وصح بدنك والابداع متابعتك ياغالي.......


بندر التحدي شكرا على التنبيه بنفصل العداد يمكن الكهربا زايد هههههه


توني انتبه وصح بدنك

[ناصر المرشدي]

سلمان


السميري



بندر



صحت ابدانكم

وشرفتونا بالمتابعه

[معجب العتيبي]

كلمتك هاذي تشيّب كل طفلٍ رضيع=اثبت وجيب السند واثبت وجيب السند
لاغبت انا في مكانك سد حامي منيع=احمي حدود البلد واحمي حدود البلد

[ناصر المرشدي]

وداعةٍ ماتضيّعها يدين الوديع=معجب عليها شهد معجب عليها شهد
يوم اني اعاتبك خابرك قرم وشجيع=لكن ليته رقد لكن ليته رقد