قصيده غزل لكن تستفز المشاعر

[فهيد الشيباني]

هذه رائعه للشاعر الرائع والنجم غزااااااااااااااااااااااي العضياني

ياليل ياكثر العتب والمشاريه
وقلب يفوز بطعنته كل غالي
ماباقي الا نعطي القوس باريه
ونصبر على رماح الجفا والتعالي
لاطاح حظك ماحد جاء يصحيه
وان قام حظك عد روس الجبالي
سجوى غرامه ساقها صحصح التيه
يطوي مسافات الديار الخوالي
دونه سراب البعد يشّر بياديه
تحدرت به نجد يم الشمالي
لاغاب واقفى من توده وتغليه
ماعادله طاري ولاله مجالي
يمر في بالي ولاني بناسيه
الا لياغفيت جاء في خيالي
كنه يصحيني بصوته وانا اوحيه
جدد جروحي ماتركني بحالي
حسبي عليه الله والله يجازيه
مالي وماله كان ماله ومالي
اهوه يبيني لارحل عني ابكيه
والا يبي دمعي ليا جف سالي
والا يبي شعري تسابق قوافيه
عليه لكن صعب ذل الرجالي
والله ماطيعه فالخطا اللي يسويه
صحوة عقل والا جنون الهبالي
لو كان حبه شاهرات غوانيه
ماهو بحب ماله اول وتالي
ولو كان انا ماقوى فراقه ولابيه
ابقى عزيز النفس بين العيالي
من باعني بعته ولايمكن اشريه
اجزم وابيعه لو بربع الريالي
ومن لاتربّى خل وقته يربيه
ماني مربي مثل سود الليالي

[شاعر القوابعه]

صح لسانك

[شبيب شافي الملعبي]

لاهنت على النقل وتقبل مروري

[محب الهيلا]

مشكور وماقصرت على نقل القصيدة

[عبدالرحمن الهيلوم]

	صح السانك ولسان العضياني

[محمد العتيبي]

سلمت يداك
ومشكوووور وما قصرت..

التوقيع

للتواصل عبر twitter تويتر al_bargawy@

[النخيــــــش]

صح للسانك

وتسلم يمناك

[فهيد الشيباني]

شاعر القوابعه تقبل تحياتي على مرورك العطر

[فهيد الشيباني]

محب الهيلا سلمت على الاطلاع والمتابعه

[فهيد الشيباني]

شبيب شافي

لاهنت على المرور