أتيت لكم بقصيدة ناصر بن مذكر بن ثعلي وموضوعها ان الشيخ بدر بن نايف الضيط قام بالاتصال على مشايخ وجبر قبيلة الثعالية وطلب منهم الحضور ومساعدته في بناء مخيم لقبيلة العضيان في ملتقى قبيلة عتيبة وجادت قريحته بهذه القصيدة:-
بأسم الله نبدأ
من قصرابن ثعلي نيوينا المحــادير=يم الـديار اللي جذبنا هواهــا
جينـا كمـا نو المـزونه المزابيـر=نشآ من الحـره وعـالي قراهـــا
ساقه هواء الغربي وحول ليا النيـر=وخيل على نجد العـذيه سمـاهــا
باطـراف نوه يحمل الشـر والخـير=الغيث خيره والصواعـق طنـاهــا
اللي يبى خيره ثعـولـه شخـاتـير=يروي الكبـود اللي تزايد ضمـاهـا
وشره يحول فالصواعق مسامير=حتى الجبال الصم يطحن حصـاهـا
هـذاك حنـا دون زود وتقصــير=الاد ثعـلي مـاتهــنا عـداهـــا
حنــا بني ثعلي نفـج النـواحـير=لاثـارت الهيجـا ودارت رحـاهــا
نرسي كمـا الظلع المسمى شمنصير=وهيبـاتنا كل الرجـال تخشـاهــا
أهل القصورالعـامرات الظـواهـير=فيها الذرا يـاحظ من هو نصـاهـا
وأهل الشحم وأهـل الدلال المباهـير=للضيف والعاني كرامة لحاها
مذخورشيخ قـاد دهـم الطـوابـير=باالبـارق المنشـور يعقد لـواهـا
شيخ معرب لـه فعـول ومـواثـير=سـاق الجيوش وكل دار وطـاهـا
زكى من اوسط نجد لاكشب ويسـير=وعدا على الحـره وزكى وراهــا
ابن سعيد مصخر المجد تصخـير=غصب عن العدوان ماهو رضاهــا
شيخ شبع من جرتـه حـايم الطـير=حتى سبـاع الضلع لقيت عشاهــا
ماهـو تميدح فالمـواقف وتزويـر=لكن حقيـقة واقـع مـارزاهـــا
وحضورنا للضيط شيخ المنــاعير=شيخ القبيلـه كلهـا هـو ذراهــا
الضيط بدر اللي بروس المـواكـير=هام السحاب يرومهـا ويعلاهـــا
عمهوج في كفه صدوق البـواتـير=كم عطفتن سيقت وسيفه حمـاهـا
اشيوخنـا ولهـم معـزه وتقديــر=افعـالهم تذكـر ولحدً نسـاهــا
تعرف بقوالـراي وقت المشـاويـر=اعقالها مبرك على من بغـاهــا
ندحم بهم وقت القسـاوالمعـاسـير=ونفخـربهم طول الحياة ومداهــا
تاريخهم سـطر سمـا نجد تسطـير=بالعـز والهيبه وحكـمة نبـاهـا
وفي جمعهم يوم السـبر والمحـاذير=تلقى رجـال روحهـا في يداهــا
الاد عـاضي بالسيوف الشـواهير=سقم الحريب اللي بسيفه نـواهـا
أهل المهـار معسكـرات الحـوافـير=تاطا على الموت الحمر مـاعلاهـا
عضيـان تلقـاهم بعـز المـواقـير=من نجـد للحـره تداحـم قراهــا
هـذا وحنـا للـمزاين محـاضـير=امزاين الهيـلا للابل ولقــاهــا
جينا نكمل مـاحسبـنا المخـاسـير=مع ربعنـا اللي مايقـدر غـلاهـا
البل غنـاة الـروح شوق النواظـير=كسب الرجال وعز من هو قنـاهـا
يوم الطمع والقـوم ورد ومصاديـر=كـم فـارسً ذوده بروحه فـداهـا
واليـوم يوم أن الدعـاوي مسافـير=في ضل من هو بالشـريعه ولاهـا
قدام حاكم نجد كنا شعـاثـير=عبدالعزيز اللي بحكمه كسـاهـا
عسى مقره روض عشب ونواويـر=ويحمي عضامه من جحيم وشضاها
وعيالـه اللي طورو الـدار تطويـر=وصـار اتطور كل يـوم يتضاهـا
الله يجنبهـم صـروف المقـاديـر=ويكفيهم اشـرور النفوس وبلاهـا
ويـارب تهدينـا لحسـن التدابـير=بأمرك يارب النفس عالم خفـاهـا
قلته وأنا ناصر بحلـو التعـابــير=عسى تنال اعجـاب شخصً قراهـا
وسلامت من تابع
« آخـــر الـــمـــشـــاركــــات »
11-Dec-2007, 11:15 PM
قصيدة بمناسبة مزاين الهيلا
العرض العادي
