سلام يا المنتدى راع النداء له جواب (المجال مفتوح) !!

[راع العلطا]

سلام يا المنتدى راع النداء له جواب=جوابه اثقل من الأثنين سلما و اجأ
يا زين بعض العلوم وحلو بعض العتاب=و الخير و الشر ما بين الثنين الرجأ

[عيد العازمي]

يامرحبا يالمســــلم عـــد فــل الكتاب *** تـــرحيبتن كــنها نــور القمر فالدجا


نمشي معك بالحقايق ماتمل الركاب *** عسى عيونك من المشوار ماتسهجا

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[محمد العضياني]

يا زين بعض العلوم وحلو بعض العتاب
و الخير و الشر ما بين الثنيـن الرجـأ


نمشي معك بالحقايق ماتمل الركاب
عسى عيونك من المشوار ماتسهجا

بداية جزلة لطاروق اجزم بانه

جدير بالمتابعة

راع العلطا والعازمي

صحت الالسن

لله دركما على

[راع العلطا]

الك البقا و السوالف فـ الخطأ و الصواب=انته تباها قصص ولا تباها حجا
حقايق الوقت مع شايب مهي مع شباب=يا ذاكر المدخلا يا ناسي المخرجا

[راع العلطا]

البواردي
صح بدنك ولا هنت متابعتك نوماس

[عيد العازمي]

سولف وانا معك يالصاحب على كل باب *** واختار فالمدح والا حدّني للهجا


العيـــن لـــدّيتها يـــم القـــمر والسحاب *** واشوفلي شايبن بالعون مايرتجا

[عيد العازمي]

مرورك شرف البواردى لاهنت

[راع العلطا]

تقول فلّ الكتاب و تلتوي فـ الزهاب ! = اليا رميت اعورى و اليا عديت اعرجا
اقول لا تذهب الحبه يامال الذهاب=العلم لو ينشدونك من هلك من نجا

[عيد العازمي]

اقول ياراعي العلطا عليك الحساب *** من شاطي البحر الاحمر لين عبلة سجا


عذبتنا بالمـــناقز ياعــساك العــذاب *** راع الذلول الاصيله طاح فالهودجا

[راع العلطا]

مانحسب الحسبه اللي ما تكمل نصاب=وابلشت مدرج العرجا على المدرجا
انا احسب ان العوازم كلها ماتهاب=واثر بعضهم شرود اسبق من السرجا