من اروع القصائد الي قريتها في حياتي سلطان بن وسام

[فلاح الهاجري]

والله ماهو على شان ولد عمي ولكن هذي القصيده من اروع القصائد الي قريتها في حياتي ومن ابداعات الامبراطور الوزن الثقيل سلطان بن وسام



يا لحـون العـود.. والا يـا مجاريـر الربابـه
إختلف معنـى القصيـد وضيّـع الفنـان فنـه
حلم.. مدري علم.. مدري نوض برقٍ في سحابه؟
اثرهـا طلـة جبينـه يـوم زاح الليـل مـنـه
أقبلت مثل الفرس لا سمعـت طبـول الحرابـه
مقتفيهـا ليـلٍ أســود والنـجـوم يفرّقـنـه
النهـار يمـر ويعـدي وليلـه فــي عقـابـه
النحـر صبـحٍ تجلـى والجـدايـل كنّهـنّـه:
مخمـلٍ يلتـف فـوق الجيـد الالتـع بالنيابـه
عن سلاسيل الذهب والمـاس خـوف يجرّحنـه
غاب عني والولـه خـلاه عنـدي فـي غيابـه
ما درى ان فرقاه نـار ولا درى ان لامـاه جنـه
يا وجودي وجد من صفق على ماضـي شبابـه
بـان شيبـه والسنيـن اللـي يبيهـن خالفنـه
غرّته خضر السنين وراح عمـره مـادرى بـه
غرّرنـه وارفعنّـه إلـيـن ســجّ وحوّلـنّـه
ويا وجـودي وجـد عـودٍ لا عيـال ولاقرابـه
مـا جـداه الايـونّ ويـردف الـونـه بـونـه
مـا لقـى فزعـة رفيـق ولا عـادة مستجابـه
كل ما امسـى لـه بظـنٍ خيّبـت الايـام ظنـه
هذا وجدي في غيـاب اللـي نـزح والله جابـه
صح فرض الله فرض.. وسنـة الرسـول سنـه
الغلا جسمٍ رقيـق ومرهـف احساسـي ثيابـه
مثـل غصـن الـورد يـوم الهبايـب يطرقنـه
مـا زرعـت الا غـلاه ولا نقلـت الا صوابـه
والحشا ما ضاق من خضر الطعـون المستكنّـه
يا حبيبي ما زهـا كـف الخضـاب الا خضابـه
فيـه نظـم المفـردات وفيـه للعشـاق عنـه
الظبـي مالـه شبيـه وبينـك وبينـه تشابـه
التفت بشويش والقى فيـه منـك وفيـك منـه
خالقك من فضّل محمـد علـى كـل الصحابـه
وصخرك مثل المهـار اللـي تصخّرهـا الأعنـه
والثنا والشكـر للـي رحمتـه تسبـق عذابـه
لا لخلـق الله شـكـر ولا لخـلـق الله مـنّـه
قاله اللي مـا خـذا مـن مـا يريـد الا هبابـه
خيـرة الفـارس ثنيّـه خيـل صفـراً مستعنـه

[أبو مرحبا]

الاخ فلاح الهاجري


قصيدة رائعة من الشاعر الكبير سلطان بن وسام الهاجري


صـــح السانه



لاهنت على الطرح الرائع


بنتظار جديدك




أخوك

أبومرحبا

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[عنادالرويس]

فلاح الهاجري

دائماً مبدع في نقلك للقصايد ويستاهل بن وسام المدح والثناء والشكر والتقدير .
طبعاً مو لبن وسام بس لبني هاجر كلهم

اخوك
عناد العتيبي

[محب الهيلا]

مشكورررررررررررررررررررررررررررررر

[فلاح الهاجري]

مشكورين على الكلام الجميل بيض الله اوجيهكم على المرور والله انكم تستاهلون الزين كله