اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
25-Nov-2007, 12:50 AM | رقم المشاركة : 1 | |||
|
ثلاث قصائد جديده لسطان بن وسام الهاجري
الاولي(((المنــــــــــــــاجم))) الزمـان يـدور والدنيـا تـدور ودوره الايـام مـاهـي هيـنـه ماتـدق الا جلاميـد الصـخـور خل عـاد اهـل العضـام اللينـه والحرار اللي علي روس الوكـور كـل حـر مابـقـي الامكيـنـه والضحايا في الصحون وفي القدور فوق نـار اهـل الوجيـه الدينـه في غليـان التغطـرس والغـرور دور الواقـع مـاعـاد تعيـنـه مثل حرف الجر في بعض السطور لويشيـنـه القـلـم ويـزيـنـه والطماعه حطهـا نمـر النمـور بيـن لحيانـه وبــن لسيـنـه ليش يبسـن الحناجـر والنحـور والديـوس ام الحليـب محيـنـه ادري ان اصل المناجـم مايبـور كـل منجـم فيـه تلقـى عينـه عند ماتصفق بحـور فـي بحـور مايبيـن الا الوجـيـه البيـنـه الثانيه (((الـــــــــــــــــــذود))) يالله انـي طالبـك لـيـل هــواه فيه مـن نـوع الهـداوه والركـود وفيه من عشب الربيع ومـن شـذاه العصيـر اليـا تثنـا كـل عــود في طرف روض قفر ماحـد وطـاه لـه ثـلاث شهـور ودانـه يجـود الدكاكـه والتريـبـي مــن وراه عثعث مقطـاع صلـب مـن نفـود من تمشـي فيـه يبطـي مانسـاه لويزور (الهايدبارك)و(ادجوانـرود) ميـر والله ماعلـي الدنيـا طـراه كان مالـك مـع هـل الذيـدان ذود والله انـك ماتلـذذ فـي الحـيـاه في الوجود وكن مانت ابـفي الوجود الغنـاه بدونهـا مـاهـي غـنـاه لاتنقُـص فـي الحيـاه ولاتــزود البل تـزود الرجـل سمعـه وجـاه واللـي مايشقابهـا مافيـه فــود مهما قالوا طيبـه اكثـر مـن رداه ومهما طاريه مع النـاس محمـود حتي لوهـو غالـي ينقـص غـلاه كـان مايعشـق مواريـث الجـدود الثالثه (((الســــــــــــــــــــامر))) ياراشد الدنيا حظوظ وتوافيـق والعبد ماله غير مالله قسم لـه حقك علينا لاطرقنا الطواريـق اصعب طواريق الشعر نحتزم له نرضي مخاليق ونزعل مخاليق ولاننوخها علـي بيـت نملـه اهم شي طويق وبناخي طويـق اثنين يفداهم من الناس جملـه الفوز برضا هالثنين المطاليـق يسوى من العملات عمله وعمله والا ان بيبان الضماير مغاليـق ولاكل وجه يبتسم نبتسـم لـه وانا معاهد والعهد له مواثيـق اني لآحفظ له الوفاء والتزم له ياكثر مافرج عليه من الضيـق مواقفه في حزه الضيق جملـه مناكبه للحمـل فيهـا معاليـق يوم ان غيره يالله يشيل حملـه واسمحولي على القصور |
|||
|
|
25-Nov-2007, 04:07 AM | رقم المشاركة : 2 | |||
|
صح السان سلطان اشعر والله انه وزن ثقيل 0 شعر صحيح جزل
لاهنت يالغالي ومنور المنتدي بوجودك يابن الرجال الطحاطيح يارمز الكرم والجيره والشهامه يابني هاجر !! اسال من جاوركم 00 فديتك تقبل مرور ( عبدالرحمن ال سعد الهيلوم العتيبي ) |
|||
|
|
25-Nov-2007, 09:17 AM | رقم المشاركة : 3 | |||
|
فلاح الهاجري
اشكرك على اهتمامك بالشاعر الكبير والكبير الله /سلطان بن وسام الهاجري . من افضل الشعار عندي .طرح قصائد رائعه .وصحة ايدينك وصح لسانه لك مني خالص التقدير والاحترام اخوك عنادالعتيبي |
|||
|
|
25-Nov-2007, 01:12 PM | رقم المشاركة : 4 | |||
|
بيض الله وجهك على الكلام الزين وما عليكم زود و يكفي ان اسمكم الهيلا
|
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|