مجالسي حجازي...؟؟

[*النجـــــم*]

قصيدة من نوع المجالسي المشهور بمنطقة الحجاز

1)عبدالله أنا أوصيك واسمع جوابـي=ما دامت إنك فـي حتـون الشبـاب
اسمع جواب مجـرب بعـد شـاب=اخذ الجواب وحذري النصح تعصـاه
2)ترى الحياة تمر لو هـي طويلـة=مثـل المظـل بشجـرة فـي مقيلـة
يقضي بها ساعة وواصـل رحيلـه=يا سرع مقياله ويـا سـرع ممشـاه
3)احذر من الدنيا كفى الله غرورهـا=ما ثابت اللي ساكـن فـي قبورهـا
تبرق لهم ساعـة وزائـل مرورهـا=مـا دامـت الدنيـا وشـي ملكنـاه
4)الأولـه اجعـل إلهـك رقيـبـك=في كل مـا تفعـل وربـك حسيبـك
ما كتـب لـك لابـد والله يصيبـك=كثر الحذر ما احد من الخلـق نجـاه
5)واحفظ حقوق الرب يحفظك ربـك=من كـل مكـروه ومولاك حسبك
والتوبـة اجعلهـا خليفـة لذنـبـك=واحذر عقوبى الذنب لو كان ما أحلاه
6)جانبـك خلـه لـيـنٍ للقريـبـي=وأعط الحقـوق الواجبـة للغريبـي
وف بلزومـك كاملـة يـا لبـيـب=من قدم الطيـب مـع النـاس يلقـاه
7)من واجبك تأصل قريبـك وتغليـه=لو كان كف الوصـل للبيـت تلفيـه
وان كان معـك شـي لابـد تعطيـه=لا تقطـع حبـال لقريـب وصلنـاه
8)وصل الرحم يابوك ماهي معيبـة=لو كان حتـى مـن رجـال حريبـة
ما بالـك إن كانـوا عـزاة قريبـة=ذولاك واجبهـم غصائـب مثـنـاة
9)الرجل مـا يصلـح بليـا عزاتـه=هـم سيفـه البتـار وهـم عصاتـه
من غيرهم يا ولد وش هـي حياتـه=لا خير في رجل غـدا مالـه عـزاة
10)إن جاك زلة من قريب موالـي=اصبر عليهـا مثـل صبـر الجمـال
خلك على الأقـراب مثـل الظـلال=فال الرجل يطيب لـن طـاب ملفـاه
11)وإن جاك ضدة من خصيم بعيـد=كيـده ومثلـك للمـعـادي يكـيـد
لا يفجعـك خصـم قـوي عنـيـد=بالعـزم تأخـذ مـا تريـده وتبغـاه
12)وإن جاك طالب حق عندك يريده=أعطه قبل بأصلـك ساعـي بريـده
الحـق حـق ولا نـدم مـن يفيـده=يا حظ من عِرفه ومن نفسـه أعطـاه
13)والجار اله حـق كبيـر لجـاره=ما دامـت إنـه ساكـن جنـب داره
خلك عريب جدود واحفـظ ذمـاره=يا طيب من جاره على الـزاد نـاداه
14)وليا نصتك اللازمـة لا توخـر=و احذر على غيرك تجـور وتكبـر
من عاش في غيٍ ذهـب مـا تعمـر=يذهب عزيز المال والذكر مـا أبقـاه
15)عليك في مالـك حقـوق كثيـرة=للجائـع المحتـاج واللـي فقـيـرة
أعـط اللـزوم الواجبـة للعشيـرة=بالمال تكسب طيب الذكـر والجـاه
16)ابعد عن النمام واللـي جليسـه=مـا فيدهـم غيـر العلـوم الفليسـة
يضحـك بوجهـك ويجمـع بكيسـه=وإن غبت عنه يقـول شـي سمعنـاه
17)تحسبه اليا جيتـه يشقـق ثيابـك=لا تأمنه يفـرح ليـا شـي صابـك
اللي حكا لك بالمجالـس حكـا بـك=ينقل مـع العربـان حكـي حكينـاه
18)واحذر تغرك بنـت لاش بخيـلِ=يجـي ولدهـا بالمـلاقـى ذلـيـلِ
لا خيـر فـي خالـه ولا بالخليـلِ=يصبح ولدها بيـن الأجـواد مـزراه
19)ما ينفعك فـي شـي هـذا بليـة=يصبح علـى نـارك مشابـه عليّـة
ليـا نخيتـه قــام كـنـه ولـيـة=يمسح دموعـه باكـي فـوق بلـواه
20)ابعد عن اللي ما تعرفون خالهـا=لو جات بين النـاس فاتـن جمالهـا
ماأنت بداري كيـف تطلـع عيالهـا=يصبح سوى وجه الفتى مـع مقفـاه
21)واحذر تغرك ناهد شفها العشـق=لو كان قالت مـن هـواك أتحـرق
ما تنومن يابوك لـو غبـت تسـرق=مـا تنومـن هـذي بهـذا مضـراه
22)دور عن اللي ساسها من شجاعة=هذي ورب البيـت هـي الطماعـة
هذيك مـا تبغـي الدلـع والمياعـة=على الشرف والطيب قبلـك مربـاه
23)دور عن اللي عزها في نسبهـا=يفخر بهـا مـن هـو لبيتـه طلبهـا
يجـي ولدهـا قطعـة مـن عربهـا=ليـا نصتـه الواجبـه مـا تـعـداه
24)وختامها منـي صـلاة وسـلام=على شفيـع الخلـق يـوم الزحـام
وأستغفـر الله كـان قلـنـا آثــام=مـا همـي إلا طاعـة الله ورضـاه

[مرزوق حمدان العتيبي]

..
.
بيض الله وجهك ... وصح لسانك
.....
شاعر جزل وتستحق الاشاده
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[*النجـــــم*]

اخي

مرزوق العتيبي

لك الف شكر على الرد

تقبل

تحيااااااااااااتي

[خالد المقاطي]

* النجـــم *


انت مبدع .. وصــ ح اللسانكـــ


سعدت في قرائتها يالذيب



اخوكـــ ::

[*النجـــــم*]

أخي

خالد المقاطي

شرفني مرورك

وردك العذب

لك

تحياااااااااااااتي

[الحكــــــيم]

النجم

ابيض وجه على القصيده الجزله

الذي تليق بشموخك

[*النجـــــم*]

الحكيم

مشكور على الرد

وبيض الله وجهك مليون ولا يكفون

لك

تحياااااااااااااااااااتي

[طـــــــــلمس]

صح لسانك


قصيدة جزله

[عيضه الثبيتي]

ترى الحياة تمر لو هـي طويلـة
مثـل المظـل بشجـرة فـي مقيلـة
يقضي بها ساعـة وواصـل رحيلـه
يا سرع مقياله ويـا سـرع ممشـاه



لله درك يابو عبدالله



قصيده رائعه

تحمل معاني راقيه واهداف ساميه





تحياااتي

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[*النجـــــم*]

عيضة الثبيتي

مشكور يا ابن العم على المرور

والرد العذب

شهادة أعتز بها من شاعر مثلك

لك

خاص تقديري