قصيـدة العضيـان

[خيال الجريبا]

بسم الله الرحمن الرحيم
هذه قصيده لشاعر الكبير: نايف الحميدي ابن حديد العضياني
في قبيلة العضيان واترككم معها



اول كلامـي فالمقـام السـامـي ذكـر الالـه الخـالـق الجلـيـل
بديت باسمـه واستعنـت بذكـره ربٍ علـى كـل العبـاد وكـيـل
وبنيت من طرق الجنوبي طرقـي طرقٍ مـداه لمـن بغـاه طويـل
لايتعـب الشاعـر ولايبحـل بـه ياخـذ جزيـل ويتـرك الهزيـل
انقـا المثايـل قـبـل لاقدمـهـا لاهـل الادب والنقـد والتحلـيـل
شاعر ولي ماقف وامثـل ربعـي يالله عسـانـي كـفـو للتمثـيـل
امثل العضيان فـي كـل لازمـه ربعي هل الطالـه حمـول الخيـل
افخر بهم واشهـر بهـم وامدحهـم ويستاهلـون المـدح والتبجـيـل
ايـوالله امدحهـم واعـدد فعولهـم ولانيـب مداحـن بــلا دلـيـل
دليلـي ايامـن قديمـه تخـلـدتت عدهـا الاجيـال جيـل لجـيـل
آلاد عاضي سعـد منهـم ربعـه لاجـا لتلعـات السيـوف صليـل
شرابـة الرومـات لطامـة العـدا في صبح والا في خرامـس ليـل
واهل الصخا وقت القسـا والشـده علـى قرانـا يـنـزل النـزيـل
مناسفٍ تزهى الـذراوي بطونهـا والجاوي الاصلـي وبـن وهيـل
مدلهيـن الجـار هـو والعـانـي وظلالنا فـي كـل وقـت ظليـل
ومنا قضاة الحق نقّاضـة الحجـج والعـرف ماعـونٍ منـه نكـيـل
والنا مع الهيـلا مواقـف وطبعـا ناقـف ولثقـال الحمـول نشيـل
اذكر من الوقفـات شـيٍ موجـز والموجـز يكفـي عـن التفصيـل
طلال والانصر وعرجـا ويومهـا والحرملـيـه خطبـهـا جلـيـل
قبيلـة الفريّـس والخيـل خيلنـا صفـرن مناحاهـن يبـذ الحيـل
يشبع على مركاضهن ضاري الخلا والهن على عط الصيـاح صهيـل
عليهن هل العـادات كسابـة الثنـا ربعـي طيـور الماكـر البتـيـل
ابدا باهل عمهوج حمايـة العطـف شـوخ الجهـام وفالدجـا قنديـل
شيوخ مزحم حيهـا مـن شيخـه امــارةٍ ماتقـبـل التـحـويـل
اعـد شالـح والفعـول لشـالـح فالتـرك فعلـه يشفـي الغلـيـل
حمر الطواقي مـن جوايـح سيفـه ادميهـم غـادن لـهـا مسـيـل
دون الوجيه ودون عرض عتيبـه حـي الشيـم والموقـف النبـيـل
وجا عقبه صنيتان خطـل اليمنـى سليـل مجـد وللسلـيـل سلـيـل
غير ابرقيه فـي طـلال وشـره ساعـة مضـاوي تنثـر الجديـل
رمـت ابخنقهـا وصاحـت فيهـم هوشو عسـى يبقـا لكـم شليـل
جا دونها مساوي بعمهوج واعتـزا بربـعٍ يـردون العزيـز ذلـيـل
ربعٍ لهم فعـلٍ مجـرب وعندهـم صبـرٍ بوجـه النايبـات جميـل
يستاهـل الفنجـال الاول بماقفـه ماهوب حكـي الـزور والتطبيـل
وعقبه ظهر مارق ومارق فـارق ماكـنـه الا فالنـجـوم سهـيـل
في يوم الانصر يوم صاح الصايح بـآلاد روق معدلـيـن المـيـل
زاح الجموع بقـو باسـه وهيبتـه والسيف له فـي روسهـم عويـل
واخوان هيا حـي وانعـم واكـرم اهل الفعـول اللـي بـلا تاويـل
ياطيبهـم لاجـو يحثـون خيلهـم اليا انتحوا مثـل انتحـاي السيـل
وفراج والعبري وفاضي هل الفخر وابـن الحويقـل ماقفـه جـزيـل
واعد اهل عمره ولا انسى فعولهـم الياتبـيـن للقـبـيـل قـبـيـل
مصلح وضيف الله وشفاي دونهـا برمح العطب والهنـدي الصقيـل
ولانسيـت ابـا القلايـع مـقـذل وضاوي ولالـه بالفعـول مثيـل
ومثقاب حام الشول راع العصـلا وابـن حديـد مـزبـن الدخـيـل
وسرور ابـن غنـام فعلـه نـادر ومتلـع لياقـام العسـام يشـيـل
وابن هنيدس صقر سبـع الغـدرا وخربوش حماي السلـف حلحيـل
وصقلان وافـي والزناتـي مثلـه ومشعان للذيـب العضـب عميـل
وفعول ابن جرمان تطلـق وجهـه اليـا قبـس للمعـركـه فتـيـل
والعـذر فالـي ماقـدرت اعــده اخـذت مـن شـي كثيـر قليـل
من كثرهم صعبٍ علـي احصيهـم والشـك بالعلـم الثبـات يـزيـل
عديت مـن سطـر بنجـد فعولـه واسقى الاعادي من شراب الويـل
كلـه لخاطـر فاطـرٍ عطـافه ملحـاً لهـا فـوق الـذرا مشيـل
عليها العمود ودونها السيف والقنـا مستامـنـه فـالـوادي الجلـيـل
تقطف زهور الروض وتعاود الثمل واليـا تهّيـت للمحيـل تحـيـل
يومنهـا للحـر الاشقـر وللفهـد ولاهيب للعصفور وازهـر ذيـل
يـارب ترحمهـم وتعفـو عنهـم ياعنـك مافيهـم ردي وخبـيـل
الله مـن الشيمـه وطيـب الرفقـه والمرجلـه والمعـدن الاصـيـل
واليوم ربعـي ماعليهـم قاصـر علـى مماشـي سالـف الرعيـل
ثعلي وفدعوسي واخـوه دماسـي وايضاً جعيدانـي واخـوه سحيـل
واخوهم السـادس متيهـي وكلهـم اخـوان مافـي سيرهـم تعطيـل
ياجعلهـم يبقـون ويـدوم عزهـم سلامـي لهـم ماذعـذع العلـيـل
هم الشجره اللي فالعوالي فروعهـا وفـي ظلهـا للغانميـن مقـيـل
هـاذا كـلام ابـن حديـد مكمـل جاله علـى بـدع القصيـد سبيـل
عقبتهـن ستيـن والوسـم فوقهـ نوسيـل النحـى مايردعـه نثيـل
وختامها اصلي واسلم علـى الـذي اوحى له بنـور الهـدى جبريل

آخر تعديل خيال الجريبا يوم 18-Nov-2007 في 02:56 AM.

[محب الرسول]

خيال الجريبا سلمت يمينك على النقل
وصح لسان الشاعر

[خيال الجريبا]

شكرا على مرورك يالغالي

[سفير الدوله]

صح السان الشاعر

ويشكر على ملحمته الجزيله

[خيال الجريبا]

صح بدنك بالنيابه عنــــــــــــــــه

وشكرا على مرورك الغالي