نعم هيلاٍ على العدوان هــــــــــــــــالــتـــــــــــ

[نايف الحميدي]

عذراً عن الغياب
قصيده ترحيبيه تشرفت بالقاها في حفل قبيلة الدغالبه الذي اقيم على هامش ملتقى عتيبه الهيلا .
اضعها بين ايديكم ...


ا

الايامرحبا باهل الحميه=بسم ربعي محيٌلة الثنيه
ارحٌب بالحضور بحفل ربعي=تراحيب الغلا والمقدريه
تراحيبٍ لها شيمه وقيمه=على سلم الرياجيل النقيه
هلا وعداد مانٌور قمرها =هلا وعداد رعاٌد ابرديه
تراحيبٍ بداها الشيخ متعب=واثنيها لكم مني هديه
هلا مليون ياوجيه القبيله=هلا مليون يارجال الحميه
هلا واعٌمها للي لفانا=هلا باللي تعنا في مجيه
على كل الحضور ابدي وارحٌب=على الضيفان مانقبل خطيه
هلا في حفلةٍ خنت شذاها= شذاها ريح عود وشاذليه
هلا في حفلة الآد النعيري=مداغيش العيال الصيرميه
ليا دارت وثارت واستزادت=توٌقف فالمواقيف القويه
رجالٍ ماتهاب الموت للهـ =لها في نجد وقفاتٍ جريه
منوٌل يومها كسب وغنايم= زمانٍ فات كله جاهليه
تحت راية اخزام الي افعوله=شهيره لامتطى فوق العبيه
اخزام الخيل حماٌي السرايا=سمي المجد لاقلنا سميه
يكفي قول فراج الدماسي=بعد غنٌا البيوت العالميه
ولاياخزام قربك سعد عيني=وبعدك خابره كرهٍ عليه
شهرنا واشتهرنا بالشجاعه=نهار الحرب فينا معنويه
صحيح المدح للي يكسبونه =ولافيها مناقيد وزريه
بعدها كل فخذٍ من عتيبه=من الافعال صفحاته ثريه
عتيبه ياعتيبه تاج راسي= عتيبه عزوتي صبح وعشيه
رجال الطيب وافين الخصايل=شجاعه واليمين الحاتميه
عتيبه واسمها واحد موحٌد= مورٌدت القنا في كل هيه
عتيبه فعلها في نجد سطٌر=من ايام العصور الاوليه
بعد ماحوٌلت في نجد زاحت=قبايلها بسيف وبندقيه
عتيبه فعلها ماهوب عادي= يصعبه للرياجيل الابيه
بدون اقصور في كل القبايل=حقايق مانعرف العنصريه
نعم هيلاٍ على العدوان هالت=تهيل اخصامها كل اضحويه
هذاك الوقت ولا الوقت هاذا=نعيش ابعافيه عيشه هنيه
نعيش ابظل حكام الجزيره=ملوكٍ مايهابون المنيه
نسل عبدالعزيز الي حكمها= حكمها كلها فوق المطيه
حكم كل الجزيره واستوتله=طناخة راس ماجتله عطيه
حكمها من بحرها لابحرها= بجهده ثم زاح العنجهيه
ازاح الظلم عنها واستتبت=بعد كانت ضياع وفوضويه
ثبت فيها ودستوره نهج به= كتاب الله مع سنة نبيه
نصره الله على كل الاعادي=ووحٌدها وطعناله سويه
قبايلها وكل الي نزلها=هو الراعي وحنا له رعيه
عسى الله يرحمه والموت سنه=ولادايم سوى رب البريه
وانا ماقول مات الي معقٌب=ذيابٍ فالملاقا ضيغميه
نعم هاذا ملكنا لاذكرته=على طاريه تلزمني تحيه
فخرنا عزنا صقر العروبه=ابومتعب عسى اسنينه مديه
ملكنا كل ماميٌل اعقاله= اشوف المملكه فالاولويه
وبوخالد عضيده حي راسه=ملاذ المجد مايلقى حليه
ولي العهد دفاٌق العطايا= ياكم ناسٍ من اسبابه غنيه
ملوكٍ حبهم في قلب نايف=ترعرع من سنين سرمديه
ابومتعب وبو خالدفخرنا=سجية خير ياطيب السجيه
نعيش ابظلهم في عصر زاهر= سياسه داخليه خارجيه
نواكب كل علم وكل فكره=على شان الوطن نوصي وصيه
وطنا والوطن حنا حماته=نبيع ارواحنا لاجله هديه
نوقف مع قيادتنا الرشيده=سريه عن ثلاث امية سريه
سعوديين للماقف وقفنا= سعوديين يانعم الهويه

التوقيع

آخر تعديل نايف الحميدي يوم 17-Nov-2007 في 06:55 PM.

[السميــــــري]

نايف الحميدي ..
قصيدة تعانق السحاب ..
جززله من جزل ..
صح لسانك يامبدع ..

وسجل اعجابي بك وبهاا !!

[مرزوق حمدان العتيبي]

...
.

ابو الحميدي جزله ودره مكنونه
اعجب بها كل من سمعها وصفق لها بحراره
ويكفيك فخرا انها نالت استحسان مشائخ القبيله
في ذلك المساء .....
وخصوصاً الشيخ عبد الله بن ربيعان ...
...
لافض فوك ...




نعـم هـاذا ملكنـا لاذكرتـه
على طاريـه تلزمنـي تحيـه

نعـم هـاذا ملكنـا لاذكرتـه
على طاريـه تلزمنـي تحيـه

كلنا الى جاء طري ابو متعب تلزمنا تحيه
تقدير واحترام لمحبوب الامه حفظه الله واخوانه
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[الــوآفــي]

الله الله



رائعه يا نايف


وكل من مدحته يستاهل المدح



صح لساااانك ملايين


اخوك

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[نشاط الزلامي]

السلام عليكم ورحمة الله وبركاته
,,,,, صح لسانك يانايف ,,,,,
,,,,,, انا اشهد انها جزله ومن راس جزل ,,,,,,
,,,,,,, واقولك والنعم بك انت وربعك الدغالبه وقبيلتنا الهيلاء ,,,,,,,
,,,,,,,, سجل اعجابي وتقبل تحياتي ,,,,,,,,

[شاعر القوابعه]

الله اكبر علاك ماشا الله

[صاطي]

قصيده جزله بمعنى الكلمه

كفوا يلاد النعيري مواقفكم انا اشهد انها بيضا نقيه

بارك الله فيك ابو الحميدي على القصيده الجزله

[عبدالله الثبيتي]

ماشاء الله والله أكبر

قصيده راااائعه ..صح لسانك صح لسانك عدد بلا مدد

جزاله بلا حدود ..لاهنت

[ابو سعود الجعيداني]

نايف الحميدي صح لسانك وسلم بنانك على هالقصيدة الرائعة جداُ

[نواف العصيمي]

الشاعر :نايف الحميدي

الله الله كبير والكبير كبير


صح لسانك مليون وعدد النجوم

ولك التقدير والإحترام

التوقيع