الشاعر معتق الزايدي: ياليت ربعي حاضرين جهاده… يسوقونهم سم المصفى قراطيـع

[ابن نجد]

قصة اليوم عن الشجاعه وهي من قصص قبيلة جهينه ، وقبيلة جهينه يعرف عنهم شجاعه وكرم ومكارم الاخلاق ، ولهم افعال طيبه كبقية القبائل ، مع انني شخصيا لم اسمع عنها الكثير، وحصل ان الشاعر معتق الزايدي الجهني من قبيلة جهينه قد حضر معركة جرت بين ابن رشيد امير قبيلة شمر الشهيره وبين قبيلته جهينه في الموقع المسمى العقله بوادي الحمض في ديارهم حيث هاجمهم ابن رشيد ، وقد ارسل الشاعر معتق الزايدي ابيات يصف المعركه لقومه الذين لم يحضروا المعركه ويتمنى جماعته لو انهم حاضرين المعركه فقال بقصيدة طويله :

ياراكب اللي ناعتـيــن هداده
يرعى ثمان سنين عشب المرابيع

خرجه امتوبك زاهي في شداده
ومكلف دشنه على كل توضيع

مثل الوضيحي وان جفل مع حماده
والا النداوي يوم ياخذ تناويـع

عليه قرم حافــظ لـلافاده
يخبر اللي ماحضر بالمواضيع

جانا جراد نافـــر من بلاده
يتلون شيخ فرعَ الحمض تفريع

ياليت ربعي حاضرين جهاده
يسقونهم سم المصفى قراطيع

اللي على العقله حفظ بالشهاده
تسعين من غير المهار المطاويع

اللي بجال الحفــر واللي حياده
واللي كصيم واقفلوا به مع الريع

وخضير بن مسمار مرذي جواده
سيفه ودسماله عليهن تواديـع

والشيخ الاخر طاح ما من بعاده
وضلت ارباع البيت عقبه مكاويع

ماحصل الدمــــــام منا مراده
ضاري على هوش الجهام المصاليع

المعاني : يقصد الدمام بالبيت الاخير : انه لم يحصل منا ابن رشيد على مراده ولم يهزمنا بل تم رده خاسر ، وفي البيت التاسع يذكر معتق ان فارس شمر خضير بن مسمار ودع السيف والدسمال وكذلك الجواد ولو نجده ربعه لتبعهم ، وفي البيت العاشر يذكر احد كبار شيوخ شمر سقط وليس بعيد عن موقع خضير لكن سقوط بلا حراك بضربه احد فرسان جهينه جعلت بيته عقبه مكاويع أي خاوي .

نرجو ان تحوز على اعجابكم والمزيد قادم من قصص وقصائد قبائل جزيرة العرب .
-----------------------------------------------------------------------------
زماننا غير زمانهم وحتى نتذكر الاولين
اخوكم ابن نجد