هـل رأيتم سباق ( مزايــــــــن امريكــــــــــا)

[محمد سالم العطوي]

؟
؟

؟
؟

؟
؟

اضغــــــــط هنـــــــا لترى مزايـــــــــــن امريكــــــــــا(((((((( f15 افـــ فيفتيـــن))))

عطفا على الصوره السابقه !! وعطفا على شيلة المورقي العتيبي في مزاين قبيلة عتيبه ( هذه القبيله الغنيه عن التعريف ) اليكم هذا النظم مع كل الود

مزايـن امريكـا لْطـراز (f 15 )...=أهـل السـلاح اللـي قليـلٍ حلـيّـه
لا هي نتاج الروس لاهي من الصيـن=ولا هـي تـراث انجلتـرا الاولـيّـه
رُبـشٍ ليـا فـزت سـوات الشياهيـن=مريّـعـاتٍ لالــف نـيّـة ونـيّــة
ترمـي لهبهـا فـوق روس المعاديـن=و طيارهـا يلعـب ورق مـع خويـه
من فرز مصنعهـا ولا جـات بالديـن=نتـاج علـم أهـل العقـول الذكـيـة
مـا زادهـا الا نـار حمـرا وبنزيـن=مـا علفـوهـا بالنخـالـة الـرديّـة
ترمـي هدفهـا بُعـد ممشـاة يوميـن=وتغيّـر العالـم فظـرف اضحـويـة
خشومهـا رسمـة خشـوم الشياطيـن=مـا قايـلٍ فيهـا (التقاعـس) شويّـة
ومقصـورةٍ بلـور بيـن الجناحـيـن=تـقـول فــازة كاهـنـة منتهـيّـة
واخـر مقفاهـا تـقـول البراكـيـن=مـا بـه حمـم لكـن نـاره وريّــة
تخرق جدارالصوت وأن جات في العين=ضحـى بتسمـع صوتهـا فالعشـيّـة
واحجامهـا متساويـه مابـهـا بـيـن=مـن كبرهـا اتقـول هضبـة طميّـة
ما حافها الركبي مـن شمـال ويميـن=إلاّ خبـيـر ورتبـتـه عسـكـريّـه
رُجلـة رفيعيـن المـقـام المسمـيـن=اولاد بـوش أن جـات بالكـون هيّـة
فريـس وايضـا بالنخـاوي مجانـيـن=لا روّحـت مـا بيـن هـذي وذيّــة
كم رجّحوا كـم ثقلـوا مـن موازيـن=وياكـم شالـوا ..كـم طشـوا عنيّـة
مـا همهـم فيهـا زعـالا وراضيـن=دون الهـدف لـو يحرقـون البـريّـة
أفعالهـم يشهدلهـا اقصيـن وادنـيـن=واللـي معـه كلمـة يـعـدّل علـيّـه
مـا هـوب لا كنّـا وكانـوا ومبطيـن=ويـا كليـب شـب النـار لالشاذليّـه
صلفين في الماقـف جزاعـا حليميـن=فيهـم تواضـع بـس فـي عنجهـيّـة
من حقهم لو كـان ماهـم علـى ديـن=أسيـاد ماهـم فـي الكراسـي بلـيّـه
مـا زاينـوا يـوم الرخـا بالبعاريـن=هــذي مجاهـيـمٍ وذي ساحـلـيّـة
وهـذي بنـات شعيـل سيـم بملاييـن=وهذيـك ابوهـا مانعرفـلـه رعـيّـه
وهذي عريضة خد شرخـات الاذنيـن=وسنـام هـذي كـوم مـن زود نـيّـه
يزاينـون بسبقهـم فــي الميـاديـن=حتـى تخطـوا حـاجـز الجاذبـيّـة
وحنـا تجاذبنـا علـى الخلـف ثنتيـن=بعـض القيـم والنـعـرة الجاهلـيّـة
ننظـر خـلاف وهـم علينـا مغيريـن=اليـن صـار القـوم وسـط السريّـه
ما كـن بعـض دمينـا فـي فلسطيـن=ولا كـن وسـط عراقنـا النـار حيّـة
ولا كننـا فـي المسلمـيـن الملبـيـن=المسلـم اليـا صـاح لـبـاه خـيّـه
وحنا فـي بهـرج وقتنـا دوم لاهيـن=بعنـا بدنيـانـا الـهـدف والقضـيّـة
واليـوم نشقـر فـي عصانـا بسكيـن=حتـى بـذرنـا بــذرة العنصـريّـه
انتـم وحنـا واقعيـنٍ بـهـا اثنـيـن=وباقي القبايل بين روحه وجيّـة
يا ربعنـا وش حالكـم ويـن غاديـن؟=بعض المسـاري مـا وراهـا ضويّـة
مـا قـول هـذا سخريـا فالعريبـيـن=أهـل الشكالـة والفعـول المضـيّـة
اقـول يـا سبابتـي واطرفـي العيـن=العيـن عينـي واصبعـي مـن يديّـه
والعلم واضح مـا يبـي زود تخميـن=مـن وحـد الله صـار منـي وفـيّـه
(ولا يستشـك الا العفـون الرديـيـن)=وراعي الردى ما اشيـل لـه مقدريّـة
ولا لي شعـار يكـود نخلـة وسيفيـن=مسلـم سعـودي واللـغـة يعربـيّـة

توقيع

محمد سالم العطوي

[معلا إبراهيم الأسعدي]

(ولا يستشـك الا العفـون الرديـيـن)
وراعي الردى ما اشيـل لـه مقدريّـة
ولا لي شعـار يكـود نخلـة وسيفيـن
مسلـم سعـودي واللـغـة يعربـيّـة

التوقيع

[شاعر برقا]

مشكوووووور والله يعطيف الف عافيه

[خيال الجريبا]

مشكور على جهدك الواضح