سعووود العصيمي ... بـــــعد جيــــــت ..

[السميــــــري]

مساء الخير ياسعوود وحييت يالغالي

يامرحبا بك يالعصيمي عقب ماطال المغيب = ترحيبة ٍ تزهاك يومنك بعد تزهابها
الطيّب اليا غاب قنا ياعسى عهده قريب = والاّ الردي واهل الردى نفرح بطول غيابها

[سعود العصيمي]

مساء النور والسرور

هلا وغلا يابن العم

واستلم

دام البقاء لك يالسميري من ينادينا نجيب = وانته من اهل الطيبه والطيبه نرضابها
هذا عشمنا فيك ياشباب مدري ياشبيب = اقلط على الدله وشب يالنار ياشبابها

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

.
.
.
.
.

الله الله مبدا روعة من السميري

و رد رائع من العصيمي


واصلوا واصلوا

وأزهلوا الصف

%%%%%%%%%%%%%%%%%%%

[سعود العصيمي]

المشاركة الأصلية كتبت بواسطة ابن عصيم

.
.
.
.
.

الله الله مبدا روعة من السميري

و رد رائع من العصيمي


واصلوا واصلوا

وأزهلوا الصف

%%%%%%%%%%%%%%%%%%%

ابن عصيم


هلا وغلا

والصف يتشرف فيك


ولا عليك زود

[السميــــــري]

الله الله

حنا تلمسنا العذر يالله عسى ظني يصيب = وشلون تنسى الديرة اللي ضمتك بهضابها
اليا نظرنا فالسما نجمٍ الجدي لا مايغيب = واليوم غايب يمكن الدنيا تطير أطنابها !!

[السميــــــري]

ابن عصيم ..

حياك ربي . . يالغالي ..

والروعه وجودك ..

[سعود العصيمي]

أنا معك في ماقفي وانتم مخلصت الطليب = والشك مايلحق بيوت اهل الشرف في بابها
نبا نعالج كل جرح ملتهب حتى يطيب = وان غاب نجم الجدي غابت هجرتك بذيابها

آخر تعديل سعود العصيمي يوم 15-Nov-2007 في 08:00 PM.

[صخر]

سعود العصيمي
السميري

شعراء اساتذه صح لسانكم وانا في صف سعود ولايهون السميري

[سعود العصيمي]

المشاركة الأصلية كتبت بواسطة صخر

سعود العصيمي
السميري

شعراء اساتذه صح لسانكم وانا في صف سعود ولايهون السميري

صخر هلا والف

غلا والصف يعمر بوجودك ويتشرف فيك

لاهنت على المرور

[نواف العصيمي]

صح السنتكم ..

وواصلوا ..

..

ولكم التقدير والإحترام

التوقيع