سلام ردية وفا لاهل الوفا مثــــــل الذهب ( الجذع ,المرشدي)

[محمد العضياني]

الشاعرين الرائعين

(سلطان الجذع / ناصر المرشدي)

يشرفني اخذ طاروق مع احدكما للفائدة فقط

يا ربعنا اللي ليا صارت صباح وهجاد=انتم دروع الحمى حنا السيــوف الحداد
نبا نـسولف علـى نهج الهدى والرشاد=الحي يحييــــــــك والميت يزيدك غبن

سلام ردية وفا لاهل الوفا مثــــــل الذهب=اما يقوم لها الجذع والا يقوم المـــــرشدي
اللي بهت حق العباد الغافلـــه واللي شذب=ليته يتوب وقبـــل يوم الحشر يذبح له فدي

البواردي ( محمد العضياني )

[غازي غالب]

اللي بهت حق العباد الغافله واللي شذب
ليته يتوب وقبل يوم الحشر يذبح له فدي


الله عليك يامحمد ,,

مبدع مبدع ,,


صح لسانك لين ترضى ,,


وازهل الصف ,,




متابع لكم

التوقيع

انته مزاجك خواً بالراس = وانا مزاجي يبا الهمجه

[محمد العضياني]

ارحب ارحب يا قبلان الدعجاني

صح بدنك يالغالي

حضورك مكسب

والصف يتشرف بك

[معجب العتيبي]

مبدى جزل

واللي يزينها ويقوم احد المطلوبين قبل يجينا النوم

الليل الليل

[$ الحــيــران $]

رائع يالبواردي

بانتظار أحد المبدعين

[محمد العضياني]

سارح البال

الحيران

هلا ومرحبا

الروعة تواجدكم لاهنتوا

شاكر مروركم الكريم

[ناصر المرشدي]

اللي يجيب العلوم الطيبه ماعليه
وان قال قوله على وضح النقى يحتميه
الكلمه اللي تضيق خاطره ماتجيه
والحي يحييك والميت يزيدك غبن

يامرحبا واللي يجي منا يكمل فالطلب=ياجعل يفدانا الردي ياجعل يفداك الردي
مالك دخل ياصاحبي فيما حصل بين العرب=نصيحتي خلك بعيد اعن المشاكل ياجودي

[بندر المرشدي]

الله الله...............
اشهد شهادة حق تستحقون المتابعة

[محمد العضياني]

مانورد الا العلوم الثابته بالديليل=مار احتسب للمساري والطريق الطويل
لابد حملتك ماتسري بها يا شعيل=الحي يحييك والميت يزيدك غبن

دام البقا وانتم كرام وتستحقون الشبب= لكن هقوتكم كبيرة في سهيل وفالجدي
الليث ابو عينً كريمة صاحب الذيب العضب=واحد يبي له طبخ والثاني يبا يندى ندي

[ناصر المرشدي]

ما اقول غير الله يعينك على ماتبي=وانا ادري انك ذكي يارجل مانت بغبي
الحين تمشي مشي وشوي تحبي حبي=والحي يحييك والميت يزيدك غبن

حنا رياجيلن نسيرها على حكمه وادب=وهقواتنا فوق النجوم وعزمنا مايرتدي
كيف الاسد يؤكل ومعه الذيب لله العجب=اللي تجي فالشاص مضربها وهذي فالبدي