من المطيري لعــتــــيبة(سلم على عتيبه اهل العرف واهل الفعول=عني وعن لابتي ...)

[بدر منور المطيري]

السلام عليكم ورحمة الله وبركاته
اللهم صل على محمد وعلى آله وصحبه أجمعين

اما بعد


اليكم يا اهل منتدى عتيبه ولكل قبيلة عتيبه اقول التالي


لقد راجت في الايام الحاليه بعض الاتهامات والقصص عن قبيلة مطير
وانهم حاولو اثارة المشاكل في المزاين


ولقد بحثنا هذه المواضيع ولم تثبت بينما سار بها الجهال وانا على اتم اليقين بان العريف والرجال الاكفاء من قبيلة عتيبه لايرضون ذلك وانما يسير به الجهله دون رضى اصحاب العقول الراجحه

واني اضع لكم هذه القصيدة المتواضعه على امل ان تصل لكل رجالات قبيلة عتيبه

	سر ياقلم فوق وجه الطرس واكتب ماقول .................................................. ......اكتب جزيل الكلام ولانريد الهزيل سلم على عتيبه اهل العرف واهل الفعول .................................................. .عني وعن لابتي مروين حد الصقيل سلم عليهم سلام وخص روس الزحول .................................................. ...عريفهم واومراهم يوم قدح الفتيل خص القروم الكرام اهل الكرم والقبول .........................................اللي على الحق ماتحتاج وصف ودليل شرهاتنا للرجال اللي تعرف الاصول ...........................................عن هرجة روجت من كل قلب ن غليل اما اثبتوها لنا ياراجحين العقول ................................................و لا الزموا كل عيالن بهرجه يعيل ماجوكم مطير فالمحفل بشين وميول .................................................. ...دعو لكم يالله التوفيق وانت الجليل والعلم روج وطور محتواه الحثول .................................................. ..والكذب فالدين زيغ عن المروه وميل مايدعم الكذب ياهل العرف غير البطول ..........................................وانتم رجالن لكم فالمجد باعن طويل وش لون ترضون يالعريف عن كل قول ..........................................وش لون ترضون للمايل بهرجه يميل نشره على كل من وجهه ماهوب مغسول ............................................من الحيا ! للحيا والعرف دايم خليل نشره على اهل الزمام اللي تقود الذلول ...........................................ونترك سقيم العقل لو ان وزنه ثقيل لوكان ماسببت لمجادنا من خلول ..........................................لكن حرام ن يصيرالصقر صوته هديل الكذب لاهل الشرف يحسب طمان ونزول ..........................................ولا هو سلاح العزيز الا سلاح الذليل قلته وانا من سلايل مسرجين الخيول ..............................................مطير لاناحرت فالحرب خيلن لخيل سيوفهم ترسم الامجاد عرضن وطول ..........................................ورماحهم كم عقيد طاح منها قتيل الحرب هي ملعبتنا يوم دق الطبول ................................................با رودها عندنا عود وفناجيل هيل ان كان بعض الرجال يشوف فالحرب هول ...........................................رزف البنادق طربنا لاختلط بالصهيل مطير للمجد لو يطول دايم تطول .........................................فريس ورماه واصيلن ورث عز اصيل اهل ثلاث ن على مر الدهر ماتزول ......................................عنهاعجز غيرنا ماجالها من مثيل وحنا نجابه دول وعن البسيطه تحول .........................................نزيلها كالكتاب لياغشاه المزيل وحنا نجابه جبال وتستوي بالسهول .........................................وافعالنا بينه كالجدي ولاسهيل من حجر لين الكويت نصول فيه ونجول .....................................حامينها يوم كلن له حريب وقبيل ماض ن مشرف وعز مايشوبه خلول .................................مسطره للرجال اللي تحوش الجميل وشيوخنا افعال وامجاد ومقام وقبول .....................................اللي يفكون بالسيف الصقيل الدخيل اوضح من الشمس مجد مطير مابه فلول .....................................وسط السما الصافيه نهار ماهوب ليل وانتم خوالي هل الفزعات نعم الزحول ......................................اللي تسيلون يم الحرب سيل ومسيل في كل ماجوب توفون ووفاكم كمول ........................................وقفاتكم فالزوم لمن بغاكم تهيل قومن على المجد ياهل العرف دايم تصول ...........................................امجادهم مثل نو ن ينهمر من مخيل واليوم فالعلم عن بعض الحقايق عدول ............................................لكن للحق نور ولا لنوره بديل ان كان للعلم عند اهل المواقف حلول ...........................................ياتثبت العلم وتورد عليه الدليل ولا اعتذار ن على حسب السنع والاصول ...................................وينف الاباطيل من قصده شريف ونبيل وانا ماقول اني اعلم شخص ولا رسول .........................................لكن اباقول قولن قبل اقوله ماقيل ماسار بالزور بين الناس غير الهتول .................................ونشره على كل من عقله رزين وثقيل

اخوكم:بدر بن منور العقيلي المطيري

آخر تعديل بدر منور المطيري يوم 13-Nov-2007 في 08:11 PM.

[مرزوق حمدان العتيبي]

....
..
وعليكم السلام ورحمة الله وبركاته

اولا الله يحييك يابو منور في محلك وصح لسانك
ثم والله ومليون نعم فيك وفي قبيلتك ... مالاحقنا شك في ذلك
ولكن نسمع مثل ماتسمعون..
ولكن المثل يقول والمتهم برئ حتى تثبت ادانته...
وهذي قاعده قانونيه يعلمها الجميع ....
وهذي كافيه ان تقطع الشك باليقين..
بالنسبه لي شخصيّاً ..
لم احصل على المصدر الموثوق الذي يثبت هذه
الشائعه التي اخذ يتناقلها الناس حتى من خارج قبيلة عتيبه..
ونحن في زمن فيه كثرة الشائعات الله لايبلانا ..... والواجب
ان لانلتفت لها مطلقاً الا ماكان عليه دليل من شاهد اعيان ثقه
او محضر امني يثبت هذا الشي ...
تحياتي لشخصك .

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[علي فلاح العضياني]

بدر منور المطيري

صح لسانك
حياك الله بين اخوانك وفي منتداك الثاني وعتيبه ومطير ماتفرق بينهم بعض العلوم التافهه وتشكر على هذه القصيده وبيض الله وجهك

ومالك الوفا في جميع ما ذكرته يابدر


تقبل تحياتي

التوقيع

(( رأس الحكمه مخافة الله ))

[خلف العتيبي]

بدر المطيري..

حياك الله في منتدى الهيلا..

من يقول أن الفئه التي حاولت التخريب في المزاين يرجعون الى القبيله الفلانيه فهو مخطئ لأنه لم يتم الأعلان عن قبيلتهم..

لم يتم الأعلان عن قبيلة المسؤولين عن محاولت التخريب ولاكن بأذن الله سيتضح كل شيء في المستقبل..

وقبيلة عتيبه ستعاقب الفاعلين ليكونوا عبره لشواذ باقي القبائل..

إن كان أفراد أحدى القبائل فعلوها فهم شواذ لايمتون لأي قبيله بصله..

مطير وعتيبه مايفرقهم شي..

حياك يا المطيري بين أخوانك العتبان..


خلف الدعجاني..

[شاعر القوابعه]

صح لسانك على القصيده

[بدر منور المطيري]

المشاركة الأصلية كتبت بواسطة مرزوق العتيبي

....
..
وعليكم السلام ورحمة الله وبركاته

اولا الله يحييك يابو منور في محلك وصح لسانك
ثم والله ومليون نعم فيك وفي قبيلتك ... مالاحقنا شك في ذلك
ولكن نسمع مثل ماتسمعون..
ولكن المثل يقول والمتهم برئ حتى تثبت ادانته...
وهذي قاعده قانونيه يعلمها الجميع ....
وهذي كافيه ان تقطع الشك باليقين..
بالنسبه لي شخصيّاً ..
لم احصل على المصدر الموثوق الذي يثبت هذه
الشائعه التي اخذ يتناقلها الناس حتى من خارج قبيلة عتيبه..
ونحن في زمن فيه كثرة الشائعات الله لايبلانا ..... والواجب
ان لانلتفت لها مطلقاً الا ماكان عليه دليل من شاهد اعيان ثقه
او محضر امني يثبت هذا الشي ...
تحياتي لشخصك .

ابقاك الله يامرزوق وصح بدنك
ماعليك زود والشك زايل وانتم وحنا من بعضنا جيره واخاوه وخوال وبنيخي


واعرف ان العقيل مثلك وشرواك مايرضون كلام مزيف ماله حقيقه

ولايرضون احد يتكلم به الا اذا ثبت حقيقي لان المطران جوكم ضيوف شرف


صح بدنك واتشرف بمرورك ومشاركتك الكريمه

[OTAIBAH]

المشاركة الأصلية كتبت بواسطة بدر منور المطيري

ان كان للعلم عند اهل المواقف حلول
...........................................ياتثبت العلم وتورد عليه الدليل

ولا اعتذار ن على حسب السنع والاصول
...................................وينف الاباطيل من قصده شريف ونبيل

[/color][/frame][/color]

اخوكم:بدر بن منور العقيلي المطيري

صح لسانك يابدر المطيري

قصيده جزله ووافيه

وربعك مطير اهل عنان وسنان ولاتمثلهم التصرفات الصبيانيه من شخص او عدة اشخاص

وعلاقة عتيبه بمطير اكبر من تشويها على ايدي مراهقين .

لكن بما انك طالبتنا بالاثبات او الاعتذار

فما تركت لنا من عذر..في التكتم وخذها وانا خوك من قريب واقصرها..

فالامر ولله قد حصل واسم الشخص للي قام بحرق السياره في الحفل الختامي موجود وعندي

والتشهير امر غير محبب ومستهجن وهذا للي دعانا مانثيره .

وان كانك مصر فابشر وانا اخوك ارسلك اسمه كامل ومن اي قبايل مطير ونوع السيار ه وحتى رقم اللوحه
على شان تتأكد اكثر .


ونكرر مره اخرى ان عتيبه ومطير اكبر من تصرف مراهقين

ولانطالبكم يامطير باعتذار

[ابن مشيب]

صح السانك يابدر على هذه الابيات , وعلى ماقال المثل: ( كل شخص خصيم نفسه ) , والشاذ لايمثل مجتمعه في تصرفاته , والحمدلله الملتقى انتهى وكان ناجح بكل المقاييس وذلك بحمد الله وكرمه , واثنوا عليه ولاة الامر وكل من حضره , ومثٌل تراث واصالة قبائل المملكة باحسن واجمل الصور.

واقول تجمعنا ياعتيبة مع مطير وكل القبائل كلمة : ( لإله إلى الله محمد رسول الله ) , وسوف تكون جامعه للجميع إن شاء الله حتى يرث الله الارض ومن عليها



تحياتي

[ولـــد السلاطين]

هلا بك والله اخي بدر المطيري

والله ونعم بمطير خوالي ومليار ونعم وقدرهم فوق الراس

حتى لو حصل منهم هذا الفعل فانه صدر من جهال مطير وليس شيوخهم او عقلائهم

ويكفي انكم خوالنا

ونحن هنا نرحب بك انت ومطير وكلنا اخوان يجمعنا الاسلام وتجمعنا العروبة والنسب

[برق الوسم 1]

بدر المطيري


صح لسانك وفيت وكفيت يالذيب


وعتيبه ومطير اكبر من هاالامور



والسفهاء والجهله بكل بيت

صح لسانك ملاييييييين ولايسدن وافي يابدر


تقبل ودددي برق الوســــــــــــــــــــــــــــــــم