قصيدة رد على بعض الذين عارضوا مزاين عتيبه وادّعو أنه يدعوا إلى الجهل والعنصريه

[المقاطي_511]

هذا رد على بعض الذين عارضوا مزاين عتيبه وادّعو أنه يدعوا إلى الجهل والعنصريه علماً أن هناك مزاين سابق لم يتطرقوا له ..

يامسندين الجهل واللوم والعنصريه=لأبناء القبائل عضود الحاكم البـــــــار
من يوم نشأ الوطن فالجاهليـــه=حاكم وشعبه قبيلة توقــــــــد النـــــــار
لين انهم وطدوها بأريحيـــه=وعم الأمن والرخاء والجهل مدحــــار
هذي مواقفهم اللي جت جريــه=مافيهم اللي يخون بســر وجهـــار
مبداهم الصدق وحسن النويـه=وللمليك مع الوطن يرجع الثــــــــــــار
ويالشله اللي تثيرون القضيــــه=ماهمكم مصلحــــة شعــــــــب ولا دار
هذي عوايدكم اللي عنجهيــــه=دايم تثيرونها أشـــــــــرار فأشــــــرار
مرن تبون النساء في مهمهيـــه=تسوق في كل درب وتضرب أخطــار
ومرات في العولمة نسمع رزيـه=ومن حسن حظ الوطن في قيادة أحرار
يردع هواجيسكم ياهل الرديه=وأهل الردا مالهم في دارنــــا كــــــــار
نعرف مغازيهم ونعرف غويـه=وإلنا ملوك لها صكـــــات وأطــــــوار
كم واحدن صكته وأعمت خويــه=وراحت تبار الشلل من غير مقــــــدار
عقولكم ويـــن يا أهل المنطقيـه=أغواكم ابليس في تشتيت الأفكــار
وإن كان للعنصريه مقدريـــــــــــــه=تلقونها في وزارات لهــا أثمــــار
وتلقونها في الإدارات القويـــه=وكم نسبة ابن القبيله وسط هالــــــــدار
وتلقونها في القرارت بلا سويـه=حسب المناطق وحسب الاسم تختـــــار
بين القرى والمدن روحه وجيــه=وحوادث مزريه والــــــدم نــــثّــــــــار
تعيين حسب الواسطه بأفضليه=والنقل ما يشمل اللي عنــده أعــذار
وابناكم من الخطر حرز وحميــــــه=وسط المدن ماتحس بلفحة النــار
مافيكم اللي كتــب بالنقــــد شيه=ماكن تقرون مايكتب بالأسطـــــار
وحنا تعلمنا الشرع بكل أفضليه=ومن طب البشر ناخذ على القوم مشوار
ومنا مشايخ نورهم لــــه ضويــه=نور الهدى غطّى على كل الأنـوار
يا أعلامنا ماكــذا توخـــذ هميـه=وأين الضوابط وأمانه نقل الأخبــار
العلم ماهـــوب نشــــرات خفيــه=العلم له ملحقات صغار وكبــار
هذا يثير الخبــر ويشهــــد لديــه=وتثـّـر على عاقل وشباب صغـار
وياسيدي ياوزيــــر الداخليــــــه=الأمر منكم يقفل بــاب الأشـرار
وانتم تعرفـــون مغزاهــــم أذيه=قبيلة عتيبه إلهـم معكــم أدوار
من عصر أبو تركي عصور شقيــه=وقفاتهم مع طويل العمر بإصـرار
وكل القبايل لهـــم وقفــه قويـه=دون الوطن رادعين كل مـكّار
وتمت وصلى الله بخير البريه=المصطفى الهادي شفيع من النار
ويالله بعفوك والحشر مع نبيه=شفيعنا في يوم زوغات الأبصار

نايف بن عبد الله بن مزيد العتيبي

[الذيابي2007]

صحححححححححححححححححححح لسانك

[رمزي المقاطي]

صح لسانك ولاهنت

تقبل مروري

[الفهاد]

بيض الله وجهك وكثر الله من امثلك ولا هنت وصح لسانك

[fahad8088]

صح لسانك يالمقاطي

[رمح برقاا]

صح لسانك لا عدمنااك

[ترحال!]

صح لسانك اخووي

البدو الله يهديهم حيلهم بينهم

كل واحد يحط في الثاني

ام الحضر يختلفون في كل شيء الا على البدوي متفقين

البدو اكثر ولاء للدولة

وهم من قامت عليهم الدولة السعودية الكريمة

هذا تراثنا لازم نفتخر فيه حنا يا اهل القبائل

عشان الابل ارتفع سوقها والبدو اغتنوا راحوا ينقصون في المهرجانات

ويكفي رد الامير مشعل عن القبائل وان هم اهل التوحيد

حتى في الدفاع عن الوطن كل الشهداء ابناء القبائل الوفيين

الله يكفينا شرهم بس

[راع العوجا]

الله لايهينك صح الله لسانك على الكلام الطيب

تقبل مروري

[الرأي الآخر]

بيض الله وجهك وصح لسانك

[سطام بن عاصي]

صح لسانك و الله لايهينك و الله يعطيك العافي يالمقاطي

آخر تعديل سطام بن عاصي يوم 13-Nov-2007 في 03:25 AM.