برقا وروق معسفة قب الامهار

[سفير المقطه]

السلام عليكم ورحمة الله


مبروك نجاح ملتقي قبيلة عتيبه يا بني عمي


وهذه قصيده كتبتها وبدون مجامله ابي راي الشعار الكبار

وبيض الله وجيه شيوخ عتيبه جميعن رفعو روس ربعهم

ابدا بذكر الي تعالي بـا الاذكـار=ذكر الاله الـي حميد(ن)مجيـدي
والثانيه صلو علي سيـد الاخيـار=شفيع الامه فـي نهـار الوعيـدي
للعـز تبقـا ياوطنـا والاعمـار=يا دار ابو متعب مضد الضديـدي
سلام يا ابو نا ويا الوالـد البـار=يا الي علي شعبك ماتبخل با اليدي
الله يديمك للوطـن درع وستـار=يديمك بصحـه وعمر(ن)مديـدي
حنا جنود(ن ) للوطن ضد الاشرار=نفديه باغلي شي علمـن وكيـدي
في الارض دبابه وفي الجو طيار=ونضرب علي الفتنه بقبضة حديدي
الله يبارك في طويليـن الاعمـار=عادو تواريخ الابل مـن جديـدي
حطو لها في صفحة المجد تذكـار=بمزايناتـن منـهـا نستفـيـدي
ومزاين عتيبه بعيدين الانضار = يحكي به الي من قريب وبعيدي
منضمن تنضيم وشعاره شعار = وتقوده الهيلا براين سديدي
حنا عتيبه نكرم الضيف والجار= فالسلم سلم وفا الحرايب نكيدي
حنا لها لامنها دقة انذار = ودقة طبول الحرب ضرب(ن) با لايدي
برقا وروق معسفة قب الامهار=الهم نهار الكون فعلا(ن) شديدي
تاريخهم منقوش في داخل احجار= منقوش ب الشلافا وسيف (ن)حديدي
فزنا بها يومنها زنـد فـي النـار=والورع منا في المعارك عقيـدي
والي بسيف(ن)يبتر العضم بتـار=وشلفا(ن)مضاربهاعلي ماتريـدي
لبل مكاسبنا علي وقت الاخطـار=يومنها فزعة عضيـد وعضيـدي
والي حمينهـا نهـار القـا حـار=وياما ذبحنا عندهـا مـن وليـدي
ويا ما شعينها مـع كـل مسبـار=وتارد علي الجمه مرار(ن)عديدي
يامرحبا ياضيف حييت فا الـدار=حييت يا لي زاير ابن حميدي
نقدم الترحيـب امـرار وامـرار=ونقـدم الدلـه ومعهـا العويـدي
اشيوخنا قومن لهم في العلي كـار=من عصر ابن هندي والي عبيدي
واليوم يا بندر تقدمة با الشار = يا شيخنا الي فا المواقف عنيدي
يا حر يا الي من مواكير الاحرار= حر(ن)تعلا با المراجل فريدي
والله يا قدرك كما ضلـع سنجـار=هذاك ضلع وقدركم في الوريـدي
ونختم بذكر الي تعالي با الاذكـار=ذكر الاله الـي حميد(ن)مجيـدي
وصلو علي المختار ماطير(ن)طار=شفيع الامه فـي نهـار الوعيـدي

[ابو سعود الجعيداني]

صح لسااااااااانك ياسفير المقطه وانصح بنقلها إلى قسم قصائد الأعضاء


تقبل مروري على قصيدتك وسلم بنانك اخوي

[جبل النور]

قصيدتك جزله ومترابطه وقويه وفالك المليون ههههههههههه
بيض الله وجهك يا سفير المقطه

[خلف العتيبي]

سفير المقطه..

لاهنت يابن عمي على القصيده الرائعه..


خلف الدعجاني..

[سفير المقطه]

ابو سعود الجعيداني


يعافيك ربي

وتسلم

[سفير المقطه]

جبل النور


هههههههه


هذا هو ما فيه تشجيع للمواهب

انا ابي واحد بعلمني ويش اخطائي علشان استفيد


ههههههههه

ابشرك اني القيتها في في المزاين
هه

آخر تعديل سفير المقطه يوم 10-Nov-2007 في 11:40 PM.

[خالد بن حويفر]

صح لسانك وبيض الله وجهك على القصيده الجزله

[سفير المقطه]

حياك الله يا خلف الدعجاني


شاكر ومقدر

[الرأي الآخر]

قصيدة جزلة .. ومن شاعر جزل ..

صح لسانك ،،

تقبل مروري ورأـيي تجاه قصيدتكـ .. وترا لو فيها شي ماسكتنا عنه ..


الرأي الآخر،،،

[سلطان عايض]

صح لسانك قصيدة طيبة بالحيل