سلطان الدلبحي حياك الله

[نايف بن ملحق الثعلي]

مرحبا بالشاعر اللي مبتدي والله يعينه=والمواقف تتعب الرجال ياسامع كلامي
كان ياسلطان شاعر لاتجيب الا الثمينه=فيه بيع ومشرى ياصاحبي والسوق حامي

التوقيع

ما هوب لازم توقيع00

[سلطـان الدلبــــــحي]

البقابك يالمرحب وانت قصدك عارفينه=مير قلي يالسنافي كيف فزتو بالوسامي ..؟
والله اني من قديم الوقت جلاب السمينه=البلا في عينك اللي ماتناظر فالاسامي

[نايف بن ملحق الثعلي]

كل طيب من قديم الوقت حنا كاسبينه=لاتاغاربها ترا حنا رفيعين المقامي
البحر مايقطعه ياصاحبي غير السفينه=مالقيتك فالمواقيف الصعيبه والزحامي

[ابن شـامي]

الله الله

صحت السنتكم

متابع

[سلطـان الدلبــــــحي]

مانقول قصور فيكم مير حنا خابرينه=واحدن قدعك تمر وجابللك تفاح شامي
كان ماتقدر تعوم .. البحر قبللك شاربينه=والله اني دون ربعي والفشق ملي الحزامي

[نايف بن ملحق الثعلي]

ياعتيبه علمو سلطان والله لايهينه=الحقايق واضحه والنور جلاي الظلامي
الكلام اللي نقوله للرجال امثبتينه=والله انه في تهامه مايعيش الا التهامي

[نايف بن ملحق الثعلي]

ابن شامي

صح بدنك

[سلطـان الدلبــــــحي]

ياعتيبه نايف الروقي ترانا كاشفينه=والدلايل عندنا والقيد في رجل الحرامي
يوم كلن يفتخر بالطيب وبمدة يمينه=كيف تفخر فاليمين اللي عليها الاتهامي

[نايف بن ملحق الثعلي]

انت اشوفك تعترض فالدرب وجنوبك متينه=والسوالف مانباها رميتن من غير رامي
ان تركناها فشيله وان تبعناها غبينه=والفخر لاهل الفخر والطيبه غاية مرامي

[سلطـان الدلبــــــحي]

ويش اسوي فيك دامك عاصيٍ والنفس شينه=تاكل اموال اليتامى ثم تشبح في طعامي
كان ماتقوى القضيه ضفها وسط الخزينه=لاتلد العين خلف وحث رجللك للامامي