محاورة قوية بين حبيب العازمي وفيصل الرياحي

[عتيبي معاصر]

سلام عليكم ,,

بعد غياب فتره من الزمن عن افضل المواقع المحببه الي .. رجعت لكم وانا احمل معي اقوى المحاورات الشعريه واتنمى أن تحوز على رضاكم ,,


فــيــصـــل الــريــاحـــي

سلام ياهل الديـار اللـي عليهـا سـلام**حامينها أهل السيوف الحـدب حامينهـا
الليلـه الملعبـه ماتعـتـرف بالنـظـام**وليا حضرنـا تبـى ترجـح موازينهـا
حــبــيـــب الــعــازمـــي

يامرحبا يارجال(ن) من ديـار(ن) كـلام***يازينهـا فـي ليـال الصيـف يازينهـا
الليلـه الملعبـه تحتـاج ربـط الحـزام***وليـا وقفنـا نبـى نخـزي شياطينهـا


فــيــصـــل الــريــاحـــي

اليا خلطت السوالف من حـلال وحـرام***لكلمـه الثانـيـه عـنـدي براهينـهـا
ياحبيب اليوم خلك شعرة(ن) فـي سنـام***والبـدو تلقـاك لاشــدت بعارينـهـا

حــبــيـــب الــعــازمـــي

أن جنبت في اللحم وأن وافقت في العضام***والكلمـه الثانيـه تاصلـك فـي حينهـا
ماني بشعره أناخصمـك قطـوع العـرام***وان زاد جن البقـوم أحشـر مجانينهـا

فــيــصـــل الــريــاحـــي

أن وقعت في الصخر وان وقعت في العدام***حنا سيـوف المعـارك وأنـت سكينهـا
الله ربـي وربـك يامـطـوع جـهـام***تسجد علـى الأرض لاثـارت براكينهـا


حــبــيـــب الــعــازمـــي

لو مامعي غير سكيـن ومطـرق بشـام***أخذ سيوف أكثر البقمـى مـن يدينهـا
الله رب الجميـع وصاحـبـي مـايـلام***هجـت ذلولـه تلـوى فـي كراعينهـا


فــيــصـــل الــريــاحـــي
كم عالم(ن) يحلمون ويشمتـون الحـلام***مـاردك عـن البقـوم ألا سلاطينـهـا
ترا هذيك الهنـوف أم الذهـب والزمـام***ماعدك ألا قذاة(ن) فـي طـرف عينهـا

حــبــيـــب الــعــازمـــي

وين السلاطين يوم(ن) الشجـاري خيـام****هي بيـض مـن طبعهـا ولا مكسينهـا
وأنته بعد في حدا الخديـن دقـت وشـام****لله يعينـك عـلـى الأيــام ويعينـهـا

فــيــصـــل الــريــاحـــي

شهد لنا بخيت يوم الهوش تحت العسـام****ماهـي بكذبـه مـع العبلـه مسوينهـا
عاملتهـا بالوفـا والطيـب والأحتـرام****وأنته تجمـع علـى الخبـزه وراعينهـا

حــبــيـــب الــعــازمـــي
شهـادة طيبـه لاهـل الهـوا والغـرام***قصيدتـن كـل خـلـق الله مغنينـهـا
ياصحابنا لايزيـد الطـق فـوق اللحـام***أنـتـم مغدينـهـا حـنـا معشينـهـا


فــيــصـــل الــريــاحـــي

أنتم كما الزرع ياعتيبه وحنـا الصـرام***لأرض مـاعـاد تحمـاكـم ميادينـهـا
ياشاعرن في الملاعب لبسـوك الوسـام***ضيعت في الليـل عشرتهـا وعشرينهـا

حــبــيـــب الــعــازمـــي

كلمتك هـذي ماتنقـص للنشامـا مقـام***ياللـي تهـدد عتيبـه وينـك ووينهـا
يالشاعر اللي نبتلك مثـل ريـش النعـام***ماصالـحـن للبـقـوم ألا دكاكيـنـهـا


فــيــصـــل الــريــاحـــي

ندخل على الله ترانـا مانسـب الكـرام***أقوللـي سالـفـه مـاهـم بناسينـهـا
من يوم ركبت طوقن مثل طـوق الحمـام***حتى أم ضرفين جادينـك علـى دينهـا

حــبــيـــب الــعــازمـــي

السـب مالـه مجـال ولايفـك الزحـام***وأن جبتلـك سالفـه ميعـادك دوينهـا
مايختلف هالرياحـي منتفـخ كـل عـام***كـن أم ضرفيـن غاذيتـه بضرفينـهـا


فــيــصـــل الــريــاحـــي

مزكـوم ياصاحبـي واعديتنـي بالزكـام*** دينـت بنـت الحـلال ولا قضـا دينهـا
سبحان من حط جسمك مثل عود الثمـام ***كنـك مـن أفريقيـا وأحـد مساكينهـا

حــبــيـــب الــعــازمـــي

خلـه لعلـه عساكـم كلـكـم للهيــام*** العافيـه صــح منـتـم مستحقينـهـا
وزن الخشب طن ولا الماس كيلو جـرام*** حمـر الفلسطيـن نكبتهـا فلسطينـها





وللامانه منقوله ,,

[السميــــــري]

بيض الله وجهك ..
محاوورة من الوزن الثقيل ..


سلمت ..

[حمـد المقاطي]

عتيبي معاصر

يعطيك العافيه

وما قصرت

محاورة من الطراز النادر

وأبدعوا فيها الشعار

يالشاعر اللي نبتلك مثـل ريـش النعـام***ماصالـحـن للبـقـوم ألا دكاكيـنـهـا هههههههههههههههه

الله يرجك يا حبيب

التوقيع

بكل مكان لنا أحباب .. ويصعب علي الفراق .. لربما في يوم نلتقي ونعاود ذكرى الأحباب . !! سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ . !!

آخر تعديل حمـد المقاطي يوم 09-Nov-2007 في 01:22 AM.