العمــر فرصه وحــده

[عبدالمجيد الثعلي]

اللـي يحسـب إن المحـبـه مستـمـده مـاتـزول=لابـد ماينـدم يجـي يـوم(ن) يـده تصفـق يـده
في نظرته دايـم يبـا يبقـى علـى كـل الاصـول=ويحسـب علـى كـل الـدروب المقبـلات إمهـده
وإن رحت فيها طول عرض إحسب كلفها عرض طول=واللي يفوت يفـوت وإخـذ العمـر فرصـه وحـده
وإن كان ماتدرك علـى تدبيـرك أنصـاف الحلـول=لاصـار ماهـي ناقصـه فكرتـك مـاهـي زايــده
والأمـر فالثنتيـن يـا امـا الرفـض والا فالقبـول=لاترفـض المقبـول والمـرفـوض أبــد لاتـيـده
ياللي ليا هب الهوى غصنـك علـى طرقـه ميـول=فكر وشف كيف الهـوى وكيـف الجبـال الصامـده
والمشكله لاصرت يالعاشق علـى الخطـوه عجـول=بالهـون فالطرقـه تـرى تتعبـك خطـوه وحــده
مهما تحملت الحمول اصبـر علـى شيـل الحمـول=اللـي شقـا يشقـا وفالايـام مـاضـاع إجـهـده
من دون غاياتـك تـرى فالـدرب مأنتـه بمعقـول=خل العدد ضرب العدد وإقسـم علـى جمـع إعـدده
وماننكر الواقـع وراع الحـب علـى شفـه ميـول=والعلـم فاللـي لازرعتـه قـدم حـصـده تفـقـده
ولاتضمن الدنيا تراهـا فـي طلـوع وفـي نـزول=أحد(ن) طرد حظه . وأحد حظه هـو اللـي يطـرده

[ربوع نجد]

صح لسانك وبيض الله وجهك

[الشنباوي]

الله الله


صح لسانك

[الـثـقـفـي]

صح السانك ياذيبان
,,(عزيز الثقفي)

[الخافق الحزين]

لست ادري ماذا اقول ولكن كلماتك
اجبرتني على اعادة قرائتها لاكثر من مره
هذا الوجد وتلك المعاناه شجن في شجن

ذيب المساري
ننتظر إبداعك

[طـــــــــلمس]

بوبيض الله وجهك على القصيده الرائعه