قصيدة وداعية لنفود السر للشاعر سفر الهيلوم.

[عتيبي للابد]

تبكي نفود السر عقب ادبر الزين = واهل الدبش من فوقها راحلينا
تلوح روس طعوسها للمقفين = ملواحها ساعة لفوا مقبلينا
لعتيبه الهيلا رموز وعناوين = شرق(ن) من القرنه يسار ويمينا
ياما تدفق فوقها الدمع من عين = دمعة لقا وفراق ساعة مشينا
كم سجلت فيها المعارف دواوين= وطالت رقاب الشعر بالمبدعينا
بعد اشبعوها بالغنم والبعارين = حق ولقي واصغر وكبش سمينا
وشبعت وحوش السر عقب المساكين = من دبرة اهل الخير والمحسنينا
شهرين والصحرا زهور وبساتين= بالذكر وبيوت القصيد الثمينا
عتيبه الهيلا سعوط المجانين = رغم انتقاد الحسد والمرجفينا
ينعق غراب البين ويحصل البين = وحنا تظافر جهدنا واكتفينا
ون جا الولا بصفوف حنا الموالين= نبقا جنود المملكه ما حيينا
علم عليه شهود لو قيل من اين = واحداث سطرها الدهر وانتهينا
في ظل ربي ثم ظل السلاطين = اللي ولاهم حق واجب علينا
ال السعود (المخلصين) الميامين= للمملكه هامه ودرع(ن)حصينا
وعشنا بها نغلي بعض ومتصافين = اخوان دين وحب (للمخلصينا)
وجينا نباهي بالبكار المزايين = وعطر القوافي من هجوس تجينا
ونحطها لهل الوفا بين قوسين = والقوس حاجب والرموش الثنينا
وصلاة ربي عد ماينبت التين = على نبيا دلنا واهتدينا

صح لسانك يا بو سلوم و لا عدمنا جديدك في الشعر , اتمنى ان تحوز على اعجابكم.

آخر تعديل مرزوق حمدان العتيبي يوم 06-Nov-2007 في 05:39 PM.

[fahad8088]

صح لسان الشاعر

[عتيبي للابد]

بديت بذكرمن يحيي هشيم العرق بترابه
كريم قطرته تروي جميع الخلق ماطرها

وطلع واجب رسول بلغ الحق وطلعنا به
على غيره وجات اسما القصايد من مصادرها

صلاة الله على المرسل بنور الهدي وكتابه
نبي الله محمد سيد الامه ومنذرها

وعليه ازكى سلام من بنات الفكر نبدابه
محا الكفر وجلى ظلمه هل الشرك ومنابرها

قصد غاراً غشاه النور من فوق و توحابه
وغشاه الوحي بالقرآن وأياته وفسرها

مسح فكر الضلالة والظلام وقفل ابوابه
وانار الكون واصنام الجهل والشرك دمرها

ازال المشركين بقوة التوحيد وحرابه
واقام الدين واحد وانقذ الامة وبشرها

بهدي من كتاب الله هدانا واهتدينا به
بعد علم اليقين عقولنا بالحق نورها

نبياً عدل التاريخ بالهجره مع اصحابه
من البيت العتيق ورحلته ربه مسيرها

ومن حافظ على سنة رسول الله من احبابه
الا يامن خلقت قلوبنا بالدين عمرها

ووفقنا الصواب وحب سيدنا من اسبابه
ونشرب شربه تروي عطشنا ونتذكرها

وله حب عظيم احيا ضمائرنا وعشنابه
ولو ترسم دعاة الكفر والشرك بدفاترها

نثور وننتقم له من هل الخنزير واسرابه
وننصر سيرة المختار من نذل يزورها

ولا يقدر حفيد القرد والخنزير يهزابه
شياطين تشيل الخبث والحقد بضمايرها

آخر تعديل عتيبي للابد يوم 06-Nov-2007 في 05:00 PM.

[عتيبي للابد]

صح بدنك يا فهد و اشكرك على المرور.

[الواصل]

صح لسانك ..

[مرزوق حمدان العتيبي]

تبكي نفود السر عقب ادبـر الزيـن
واهل الدبش مـن فوقهـا راحلينـا
تلـوح روس طعوسهـا للمقفـيـن
ملواحهـا ساعـة لفـوا مقبليـنـا
لعتيبـه الهيـلا رمـوز وعناويـن
شرق(ن) من القرنه يسـار ويمينـا
..
صح لسانه وسلمت يداك
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ربوع نجد]

صح لسانك لاهنت يا الغالي

[ابوالطيب]

صح لسانك يالعتيبي

[عتيبي 0نت]

تبكي نفود السر عقب ادبـر الزيـن
واهل الدبش مـن فوقهـا راحلينـا
تلـوح روس طعوسهـا للمقفـيـن
ملواحهـا ساعـة لفـوا مقبليـنـا
لعتيبـه الهيـلا رمـوز وعناويـن
شرق(ن) من القرنه يسـار ويمينـا
ياما تدفق فوقها الدمـع مـن عيـن
دمعة لقـا وفـراق ساعـة مشينـا



نعم ياخي كل ما تطري علينا او نمر بها تذرف العيون

صح لسانك 000000

[الدقيق]

صح السانك يا خالي