اذا التاريخ عطرة بالصهيل وريحة البارود =وعجاج الخيل والغزو البعيد مفرق الخلان
تصدر ياقصيدي وأمطر البيداء وهد سدود=لك اللة مانصيت الحفلة الا معجبٍ طربان
انا ماقول شعرٍنسمعه في كل حدث معيود=شبعتا من تراديد الكلام وعلجة اللحيان
انا نهجي كذا ولا ارضى ابد يفرض عله قيود=يجي مثل المطر واليا انهمر ظاقت به الوديان
اجل وشلون ماشارك بمدح اهل الكرموالجود=هل الباس الشديد الي سطرهم يجدع القرسان
هنا الهيلاء امان التايه المستدرك الملهود=مزبنت الدخيل اللي ولا انصاعو لأيٍ كان
سوى للةوانوار الشريعه بس,,,وابن سعود=امامٍ ينصر الدين الحنيف وحقق الآمان
على راسي( معزي )جدناياحي هكالعود=غرس فينا التلاحم والتلاحم ثبت الأركان
على راسي يأبو متعب ياشامخ مثل خشم الطود=على راسي ولي العهد تاجي سيدي سلطان
على راسي يامشعل ياغناة البدو واهل الذود=على راسي فخر نجد العذيه سيدي سلمان
على راسي شيوخ عتيبه الهيلاء وانا ارقى سنود=ياطلقين الوجيه الي سطركم في المواقف بان
هنا الهيلاء.. هلي لبت وعد ..في يومها المشهود=اسمية المدد..وألا الطلب ..لا اسمه الطوفان
هنا ذباحة الحايل وعلى العايل تطيح خدود=وأذا نادى المنادي اقسم انا نخلي المرحان
هنا نقسم بأنا للوطن ثم للمليك جنود=على العهد القديم نجدد البيعه عهد وأيمان
سلام الله سلامٍ يشرح الخاطر بدون حدود=على الهيلاء خوال اطهر بشر بشر به الرحمن
سلامٍ ماينوش الا الفياض ولا يخلي عود=سلامٍ مع ذعاذيع الهوى ليا مرت الغدران
يشرفني بأني عند اخوي المرشدي موجود=في حفلة شيخنا آيو خشيم تركي معرب الجدان
انا لامن دعاني واحدٍيسوى اجي مسنود=خصوصاًعندما يكون الطلب من صفوة الخشمان
عتيبة عزوتي يارافدي يابيتي الممدود=من العارض الين ارض الحجاز وشمخ الضلعان
هلا بلسانهم ماتنقطع مثل العسل معقود=هلا ماودك انها تنقطع .. تنقط حلئ الرمان
انا يجتاخني فخر وشعورٍكن فية رعود=احس ان القبيلة تنفرد في شي ماقدكان
وش اكبر من بيوتٍ شيدت بالعزم والمجهود=يفوح الطيب بين ارحائها وتبرك القعدان
وش اكبر من زيارة سيدي ياهي تبط كبود=ولد فيصل سليل المجدتركي شان وجاهه شان
تشرفنا ريارات الضيوف الي لفونا وفود=يشرفنا بأن الملتقى يتنقس الريحان
وهنا يزداد فخري وكل ابو ذي نعمةٍ محسود=على لم الشمل في ملتقانا ملتقى العتبان
« آخـــر الـــمـــشـــاركــــات »
01-Nov-2007, 07:44 PM
العرض العادي
