احبها من حب برقا على روق // الضيقه !! جديد - الهيـــــــــــــلا *** منتدى قبيلة عتيبة

خالد المقاطي · 25-Oct-2007, 02:01 AM

السلام عليكم ورحمه الله وبركاته

ومن العايدين ومبارك عليكم الشهر

وبدون مقدمات // متواضعه // وكما هي عليــه ..


	(سُر ياقلم مالي على الصبر) منطوق = لو هاجسي مافزلي ماعذرته ابوك انا ياشعر والعُبك طروق = انخاك وانت (دباس) لامن ذخرته واااقلبي اللي ساقني سوقت النوق = يم البعيد اللي عمتني غبرته اقفى وانا مابين الاظلاع محروق = والهم لٌوه ماسهرني سهرته ماهو صحيح ان كل ( مطرود ملحوق ) = ياما تعديت السراب وطمرته وياما صبرت وقلت سكرات ونفوق = والصبر كله عافني ثم خسرته ليت المفارق للبشر ماله طروق = واللي زرعله زرع يلقى ثمرته كان سترحت ومااش سارق ومسروق = ولا وصلت الداب ويا شجرته احبها من حب برقا على روق = اللي من اول نجد لقصى حجرته ياعاذلين الحب في قمه الشوق !! = راحت رجالً مجدنا هي صطرته القلب طيرً والهواء كنه سبوق = والحر ماهو حر دامك صقرته لو للحيا يآردبي صبوح وغبوق = والخوف من رب الملا ماشعرته لشن حربً دونها لزمه حلوق = وافك قيد اللي لغيري سبرته لاكن انا مال الردى فيٌه عروق = لو ضلع يمه مال بيدي كسرته اقف مواقيف السعد واحمي السوق = ومن يحتقرني من رداه احتقرته لاشاش راسي كنه رعود وبروق = ثم بشر القرطاس حبرً نثرته ياطارشي ود الخبر حزه شروق = وانقل كلام اللي همومه دمرته قله ترى المجنون لا حب مخلوق = صعب يتناسى جملته لو هجرته على العهد باقي ولا ناشني عوق = لو ان قلبه في يدينك قبرته

آخر تعديل خالد المقاطي يوم 25-Oct-2007 في 02:08 AM.

نايف الثبيتي الروقي · 26-Oct-2007, 08:57 AM

احبها مـن حـب برقـا علـى روق
اللي من اول نجـد لقصـى حجرتـه
ياعاذلين الحب فـي قمـه الشـوق !!
راحت رجـالً مجدنـا هـي صطرتـه
القلب طيـرً والهـواء كنـه سبـوق
والحـر ماهـو حـر دامـك صقرتـه

الله الله

صــح لسانــك يابن العـم ومشكوورر