مرحبا بكم يابناء الهيلا ومما يسرني أن أزور مقر مزاينكم والذي اشع نورا في دوواين عدة وبدأت الناس تتكلم عن الأفعال الرجولية والتي تميزت بتكاتف ابناء القبيلة في سبيل انجاح هذا الاحتفال الكبير وهذا لايستغرب على عتيبة ولكن لي طلب ابي من يوصف لي كيف اصل الى موقع المزايين في اسهل الطرق عن طريق القادم من الطائف برا اي ماهو اسهل الطرق واقربها مسافة ولاأنسى ان أشكر أخوي الغالي
الشيخ / ماجد بن عمر أبالعلا أمير الفوج السابع بالحرس الوطني الذي اتصل علي شخصيا ووجه لي دعوة خاصة لحضور هذا المزاين ومما يزيدني شرف أن البي هذه الدعوة الكريمة من شهم كريم كأبي مانع طوال الله بعمره .وبهذه المناسبة يسرني أن اهديكم هذه الابيات آملا ان تنال استحسانكم ومعتذرا عن القصور :
خــــوة وجيــــرة العتبان
خاويت بالعتبان شيوخ ورجاجيل = فيهم خوي الدرب وفيهم هقاوي
فيهــم رجـال الجـود فيهم مقابيل = فيهـم خيـار الناس فيهم نخاوي
فيهم صنوف الطيب مثل المعاميل = فيهم كبــار القوم فيهم حراوي
فيهم صفــات المـدح فيهـم أقاويل = فيهم جـوار وفي حياهم عزاوي
فيهم شجــاعة كيفهم مــع فناجيل = فيهم كـرم شجعان عطره نداوي
فيهم كفوف ومـع رياحــه مواويل = فيهـم ربيع القلب كيف المداوي
فيهم حـجــاج العــز مـاهـي تماثيل = فيهم حسام الوقت وكف البلاوي
فيهم اصالــة كــارهـا بـه محاصيل = فيهم حماة الديـن سباع الجلاوي
فيهــم عزاز النفس ميزه مع الجيل = فيهــم صقــور وكسبها للتداوي
هــذي حـقيـقـة وكلهـا لــه تفاصيل = من جـاور العتبـان ماهو خلاوي
عبدالمجيد الشمري
وهذي قصيدة أهداء خاصة للشيخ / ماجد بن عمر أبالعلا
مــر الـزمـان اللي به الناس تذكار = ومــر الــحيـا يـنـبـت مـع الطيبه بشوق
يفــز مــن دار ابـالـعـلا كنـه أقطار = مــن ســـاس جــدانـه للـطـيـب مـخلوق
فيــه الكــرم آيـة وعلى بابه شعار = زعيـــم جيــــل ولــو مـــدحـنـاه بفروق
جــزيـل كــار ولابتــه كلـهـا خـيـار = طيب أصـــل حــبـه مـن القلب وعروق
يحتــار مـد الحـرف ولوزدت انهار = امــيـر فــي طبــع النشــامــا ولـه ذوق
ماجــد زمــانـه مـن شيوخ لهم كار = مـن معــدن الشجعــان وللكيف منطوق
ماهي مـجامـل وبالحقيقة من كبار = سيف صقل طيبـه علـى الساري بطوق
في مجلس مفتوح ومع البن وبهار = يسوق فنـجالـه وعلـى المجلس يلوق
مده وفاء ياصـل على حد الاعصار = وافــي طـــويـل البــاع بــابـه لنـا سوق
ابي امــدح الطـيب وبـالـكف أشبار = وأبــي أتـــخـيــر فــي بنا البيت واروق
لأبن الكــرام اللـي كسـا مجده ديار = مـاهــو غــريب الطيب عتيبة لها بروق
خيال يمطــر فـي طنـا شمــر وسار = يــــم الشمــــال وللسنــاعيـس معشوق
من دار أبو مانع على كف الأبصار = يحيــي شـــذا مــجـد لــه الطاري يفوق
يحـــوم فـي داخـــل مـعاليقي وطار = أبـشهــد بـجـــاهـــي ولانـــي بـمـطفوق
باللي خذا طيبه مــع الكـيف معيـار = حــر ولـــد حـــــر لـــه الـسـاس فـاروق
سنام فــي جيـل بـه العـــز مـشـوار = وختامهــا مـن مطلع الشـمس وشروق
أطيب تحيــة لأبيض الـوجـه أختـار = أبــو الفــزاعي ومـــن جـنـا طيبه يروق
عبدالمجيد الشمري